ଭୂକମ୍ପରେ କମ୍ପିଲା ମଣିପୁର ଓ ଆଣ୍ଡାମାନ ସାଗର

ଓଡ଼ିଶା 365 (ବ୍ୟୁରୋ) : ଗୋଟିଏ ପଟେ ମୋରୋକୋରେ ହୋଇଥିବା ଭୂକମ୍ପରେ ହୋଇଥିବା ବିନାଶର ମୂଲ୍ୟାଙ୍କନ ଜାରି ରହିଥିବା ବେଳେ ଅନ୍ୟପଟେ ଭାରତର ଅନେକ ସ୍ଥାନରୁ କ୍ରମାଗତ ଭାବରେ ଭୂକମ୍ପ ଖବର ଆସୁଛି। ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ସୋମବାର ରାତିରେ ମଣିପୁରରେ ଏବଂ ମଙ୍ଗଳବାର ସକାଳେ ଆଣ୍ଡାମାନ ସାଗର ନିକଟରେ ପ୍ରବଳ ଭୂକମ୍ପ ଅନୁଭୂତ ହୋଇଛି। ଗତ କିଛି ଦିନ ହେବ ଭାରତରେ ଭୂକମ୍ପ ଘଟଣାର କ୍ରମାଗତ ବୃଦ୍ଧି ଘଟୁଛି। ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ, ସୋମବାର ରାତି ୧୧.୦୧ ରେ ମଣିପୁରର ଉକ୍ରୁଲରେ ୫.୧ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି। ଏହି ଭୂକମ୍ପର କେନ୍ଦ୍ରସ୍ଥଳ ପୃଥିବୀ ଭିତରେ ୨୦ କିଲୋମିଟର ଥିଲା। ଏଥି ସହିତ ମଙ୍ଗଳବାର ସକାଳ ୩.୩୯ ସମୟରେ ଆଣ୍ଡାମାନ ସାଗରରେ ଭୂକମ୍ପ ମଧ୍ୟ ଅନୁଭୂତ ହୋଇଥିଲା। ରିଚ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୪.୪ ରେ ମାପ କରାଯାଇଛି ।