ଓଡ଼ିଶା 365 (ବ୍ୟୁରୋ): ଏସିଆ କପ୍ ସୁପର -୪ରେ ଡିଫେଣ୍ଡିଂ ଚମ୍ପିଆନ ଶ୍ରୀଲଙ୍କାକୁ ଭେଟିବ ଭାରତ । ପାକିସ୍ତାନ ବିପକ୍ଷରେ ଭାରତ ଉଭୟ ବ୍ୟାଟିଂ ଓ ବୋଲିଂ ଦମଦାର ପ୍ରଦର୍ଶନ କରି ବିଶାଳ ବିଜୟ ହାସଲ କରିଥିଲା । କୋହିଲ ୧୨୨ ରନ୍ ,କେଏଲ ରାହୁଲ ୧୧୧ ରନର ଅପରାଜିତ ପାରି ସାଙ୍ଗକୁ କୁଲଦୀପ ଯାଦବ ୫ ୱିକେଟ୍ ନେଇ ପାକିସ୍ତାନର ବ୍ୟାଟିଂ ଲାଇଅଫକୁ ଧ୍ବସଂ କରିଦେଇଥିଲେ। ସୋମବାର ପାକିସ୍ତାନକୁ ଧୂଳି ଚଟାଇଥିବା ଟିମ୍ ଇଣ୍ଡିଆ ମଙ୍ଗଳବାର ଲଙ୍କା ଟିମ୍କୁ ଚେକ୍ ଦେବା ଲକ୍ଷ୍ୟରେ ରହିଛି ।କଲମ୍ବୋର ପ୍ରେମଦାସା ଷ୍ଟାଡିୟମରେ ଦିନ ୩ଟାରେ ଖେଳାଯିବ ମ୍ୟାଚ୍ । ବିଜୟ ଧାରା ବଜାୟ ରଖିବା ଲକ୍ଷ୍ୟରେ ରହିଛି ରୋହିତ ବାହିନୀ। ସେପଟେ ସୁପର ୪ ରାଉଣ୍ଡରେ ବାଂଲାଦେଶକୁ ହରାଇ ଦ୍ବିତୀୟରେ ଥିବା ଶ୍ରୀଲଙ୍କା ଘରୋଇ ମାଟିରେ ଭାରତକୁ ହରାଇବାରୁ ରଣନୀତି ପ୍ରସ୍ତୁତ କରିଛି। ପାକିସ୍ତାନକୁ ହରାଇ ସୁପର-୪ ଟେବୁଲ ଟପରେ ରହିଛି ଟିମ୍ ଇଣ୍ଡିଆ। ଏସିଆ କପରେ ଭାରତ ଆଜିର ମ୍ୟାଚ୍ ଜିତିଲେ ସିଧା ଫାଇନାଲକୁ ଏଣ୍ଟ୍ରି ମାରିବ ।
ଏସିଆ କପ୍ ସୁପର-୪ରେ ଭାରତ-ଶ୍ରୀଲଙ୍କା ଟକ୍କର
