ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ୍ ସୁପର୍ ଷ୍ଟାର ଅଲ୍ଲୁ ଅର୍ଜୁନ । ନିଜର ଦମଦାର ଅଭିନୟରେ ଦର୍ଶକଙ୍କ ହୃଦୟରେ ପୁଷ୍ପା ହୋଇ ରହିଯାଇଛନ୍ତି ଅଲ୍ଲୁ ଅର୍ଜୁନ । ମାର୍କେଟରେ ଏବେ ବି ପୁଷ୍ପା ର କ୍ରେଜ୍ ଚାଲିଥିବାବେଳେ ସୋସିଆଲ ମିଡିଆରେ ଅପଲୋଡ୍ ହେଲାଣି ପୁଷ୍ପା-୨ ର ପୋଷ୍ଟର । ଯାହାକୁ ନେଇ ସୋସିଆଲ ମିଡିଆରେ ଝଡ଼ ସୃଷ୍ଟି ହୋଇଛି । ସେପଟେ କେବେ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଅଭିନୀତ ଫିଲ୍ମ ପୁଷ୍ପା-୨ ରିଲିଜ୍ ହେବ ଏନେଇ ଅପେକ୍ଷାରେ ରହିଥିଲେ ଦର୍ଶକ । ହେଲେ ଏବେ ଦର୍ଶକ ମାନଙ୍କ ଅପେକ୍ଷାର ଅନ୍ତ ଘଟିିଛି । ଘୋଷଣା ହୋଇଛି ପୁଷ୍ପା-୨ର ରିଲିଜ୍ ତାରିଖ। ସୂଚନା ଅନୁଯାୟୀ, ୨୦୨୪ ଅଗଷ୍ଟ ୧୫ ତାରିଖରେ ସିନେମା ହଲ୍ରେ ରିଲିଜ ହେବାକୁ ଯାଉଛି ପୁଷ୍ପା-୨। ସ୍ୱାଧୀନତା ଦିବସରେ ଦର୍ଶକ ବଡ଼ ପରଦାରେ ଦେଖିବେ ପୁଷ୍ପା-୨ । ସେପଟେ ମୁକ୍ତିଲାଭର ଅଫିସିଆଲ ପୋଷ୍ଟର ଘୋଷଣା ହେବା ପରେ ସୋସିଆଲ ମିଡିଆରେ ଝଡ଼ ତୋଫାନ ସୃଷ୍ଟି ହୋଇଛି। ଫେସବୁକ୍, ଇନଷ୍ଟାଗ୍ରାମ୍ ଓ ଟ୍ୱିଟରରେ ଫ୍ୟାନ୍ସମାନେ ଅଲ୍ଲୁଙ୍କ ବିଭିନ୍ନ ଲୁକ୍ ଫଟୋ ଫୋଷ୍ଟ ଓ ଡାଇଲଗ୍ ସେୟାର କରିଛନ୍ତି। ‘ପୁଷ୍ପା-୨ ଦ ରୁଲ୍’ ସାରା ବିଶ୍ୱରେ ବିଭିନ୍ନ ଭାଷାରେ ରିଲିଜ୍ ହେବ ବୋଲି ସୂଚନା ମିଳିଛି । ମାଷ୍ଟେରୋ ସୁକୁମାର ନିର୍ଦ୍ଦେଶିତ ଏହି ଫିଲ୍ମରେ ଅଭିନେତ୍ରୀ ରଶ୍ମିକା ମଣ୍ଡାନା ଏବଂ ଫଦାହ ଫସିଲ ଲିଡ୍ ରୋଲରେ ନଜର ଆସିବେ।
ସେପଟେ ଏକ ବିଶେଷ ସୂତ୍ରରୁ ଜଣାପଡିଛି ଯେ, ଫିଲ୍ମ ‘ପୁଷ୍ପା ୧ ‘ରେ ହିଟ୍ ହେବା ପରେ ଅଲ୍ଲୁ ତାଙ୍କ ପାରିଶ୍ରମିକ ବଢାଇଦେଇଛନ୍ତି । ଅଲ୍ଲୁ ‘ପୁଷ୍ପା ୨’ ପାଇଁ ୧୫୦ କୋଟି ଦାବି କରିଥିଲେ। ହେଲେ ନିର୍ମାତା ତାଙ୍କୁ ୧୨୫ କୋଟିରେ ରାଜି କରାଇଛନ୍ତି । ‘ପୁଷ୍ପା ୧ ‘ରେ ଅଲ୍ଲୁଙ୍କ ପାରିଶ୍ରମିକ ଥିଲା ୮୫ କୋଟି। ସେହିପରି ଫିଲ୍ମର ଲିଡ୍ ରୋଲରେ ନଜର ଆସିବାକୁ ଥିବା ରଶ୍ମିକା ମଣ୍ଡାନା ଫିଲ୍ମ ପାଇଁ ୬ କୋଟି ନେଉଛନ୍ତି। ଏହି ଫିଲ୍ମରେ ତାଙ୍କ ନାଁ ଶ୍ରୀବଲି ରହିଛି । ସେହିପରି ଫାହାଦା ଫାସିଲ ଏସପି ବାଘେଶ୍ବର ସିଂ ଭୂମିକାରେ ନଜର ଆସିବେ । ତେବେ, ଏଥିପାଇଁ ସେ ୧୦ କୋଟି ନେଉଛନ୍ତି। ଧନଞ୍ଜୟ , ଜୋଲି ରେଡ୍ଜୀ ଭୂମିକାରେ ନଜର ଆସିବେ ସେ ୫ କୋଟି ନେଉଥିବା ସୂଚନା ମିଳିଛି । ଅନୁସୟା ଭରଦ୍ବାଜ୍ ଏହି ଫିଲ୍ମରେ ବି ଅଭିନୟ କରିଛନ୍ତି । ଯେଉଁଥି ପାଇଁ ସେ ୨ କୋଟି ନେଉଛନ୍ତି। ସେହିପରି ରାଓ ରମେଶଙ୍କୁ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ । ତାଙ୍କୁ ଏହି ଫିଲ୍ମରେ ଅଭିନୟ ପାଇଁ ୨ କୋଟି ମିଳୁଛି। ତେବେ, ‘ପୁଷ୍ପା ୨’ ଫିଲ୍ମର ବଜେଟ୍ ୫୦୦ କୋଟି ରହିଛି ।
ଅନ୍ୟପଟେ, ପୁଷ୍ପା ପିଲ୍ମରେ ଅଭିନୟ ପାଇଁ ଅଲ୍ଲୁ ଅର୍ଜୁନଙ୍କୁ ଚଳିତ ବର୍ଷ ୬୯ତମ ଜାତୀୟ ପୁରସ୍କାର ମିଳିଛି । ତେବେ, ‘ପୁଷ୍ପା ୧’ ବକ୍ସ ଅଫିସରେ ଧମାକା ମଚାଇଥିଲା ବେଳେ ପାର୍ଟ-ଟୁ ମଧ୍ୟ ଦର୍ଶକଙ୍କ ହୃଦୟ ଛୁଇଁବ ବୋଲି ଆଶା ରଖିଛନ୍ତି ନିର୍ମାତା ।
