ଓଡ଼ିଶା 365 (ବ୍ୟୁରୋ): ସାରା ବିଶ୍ୱରେ ରେକର୍ଡ ସୃଷ୍ଟି କରୁଛି । ବକ୍ସ୍ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିନେଇଛି ଶାହରୁଖଙ୍କ ଫିଲ୍ମ ‘ଜୱାନ’ । କୁହାଯାଉଛି ବଲିଉଡର ସବୁ ଫିଲ୍ମର ରେକର୍ଡ ଭାଙ୍ଗି ନୂଆ ରେକର୍ଡ ସୃଷ୍ଟି କରିବ ‘ଜୱାନ’ । ରେକର୍ଡ ବ୍ରେକର ସାବ୍ୟସ୍ତ ହେବ। ୱିକେଣ୍ଡ କଲେକ୍ସନରେ ରେକର୍ଡ କରିଛି ଫିଲ୍ମ । ସବୁଠୁ ବଡ଼ କଥା ହେଉଛି ଭାରତ-ପାକିସ୍ତାନ ମ୍ୟାଚ୍ ଥାଇ ବି ୱିକେଣ୍ଡରେ ରେକର୍ଡ କରିଛି ‘ଜୱାନ’, ୪ ଦିନରେ ୨୫୨ କୋଟି କଲେକ୍ସନ କରିସାରିଲାନି । ୭ ସେପ୍ଟେମ୍ବରରେ ରିଲିଜ ହୋଇଛି ଫିଲ୍ମ । ଶନିବାର ଫିଲ୍ମ ୬୭ କୋଟି କଲେକ୍ସନ କରିଛି । ଯାହା ଦିନିକିଆ କଲେକ୍ସନରେ ରେକର୍ଡ ହୋଇଛି । ସେପଟେ ଶାହାରୁଖଙ୍କ ଏହି ଫିଲ୍ମ ୩୦୦କୋଟି ପାର କରିବ ବୋଲି ଫିଲ୍ମ ସମୀକ୍ଷକ ଆକଳନ କରୁଛନ୍ତି ।
ଏହି ଫିଲ୍ମରେ ଦମଦାର ଆକ୍ସନ ରହିଛି ଯାହା ଲୋକମାନଙ୍କୁ ଆକର୍ଷିତ କରୁଛି । ଏହି ଫିଲ୍ମରେ ଶାହରୁଖ ଖାନ୍ଙ୍କ ସମେତ ନୟନତାରା, ବିଜୟ ସେତୁପତି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଦୀପିକା ପାଦୁକୋନ୍ , ସାନ୍ୟା ମଲହୋତ୍ରା ଓ ସୁନୀଲ ଗ୍ରୋଭରଙ୍କୁ ବି ଗୁରୁତ୍ବ ପୂର୍ଣ୍ଣ ଭୂମିକାରେ ଦେଖିବାକୁ ମିଳିଛି ।
