ଓଡ଼ିଶା 365 (ବ୍ୟୁରୋ): ରାଜ୍ୟ ବିଶ୍ କିଛିଦିନ ଧରି ବ୍ୟୁରୋକ୍ରାଟଙ୍କ ଶାସନ ଚାଲୁଥିବା ଯେଉଁ ଅଭିଯୋଗ ହେଉଥିଲା ସେଇ ନିଆଁରେ ଆଉ ଟିଉ ଟିକେ ଘିଅ ଢାଳିଛନ୍ତି ମୟୂରଭଞ୍ଜ ଜିଲ୍ଲାପାଳ ଓ ଏସପି। ନିଜ ଲକ୍ଷ୍ମରେଖା ଭୁଲି ନିର୍ଦ୍ଦିଷ୍ଟ ଏକ ଦଳୀୟ ରଙ୍ଗର ଟି-ସାର୍ଟ ପିନ୍ଧିବାକୁ ଦ୍ୱିଧା ପ୍ରକାଶ କରିନାହାନ୍ତି ମୟୂରଭଞ୍ଜ ଜିଲ୍ଲାପାଳ ଭୀନିତ ଭରଦ୍ୱାଜ ଓ ଏସପି ଭି ଗଙ୍ଗାଧର। ଗତକାଲି ବାରିପଦାରେ ଆୟୋଜିତ ମାରାଥନରେ ଉଭୟେ ପିନ୍ଧିଥିଲେ ଟି-ସର୍ଟ । ଉଭୟଙ୍କ ଟି-ସର୍ଟରେ ଥିଲା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫଟୋ । ଏହାକୁ ନେଇ କଡା ସମାଲୋଚନା କରିଛନ୍ତି ବିଜେପି ସାଂସଦ ଅପରାଜିତା ଷଡଙ୍ଗୀ । ଏସପି ଭିନୀତ ଭରଦ୍ୱାଜଙ୍କ ଏପରି ଟି ସର୍ଟ ପିନ୍ଧିବା ଘଟଣାକୁ ଅତ୍ୟନ୍ତ ଦୁର୍ଭାଗ୍ୟଜନକ ଏବଂ ହାସ୍ୟାସ୍ପଦ ବୋଲି କହିଛନ୍ତି ଅପରାଜିତା ।
ସାଂସଦ ଟୁଇଟ କରି କହିଛନ୍ତି, ‘ ଜଣେ ପ୍ରଶାସନିକ ଅଧିକାରୀ ଏଇ ସ୍ତରକୁ ଯାଇ ପାରନ୍ତି ! ହେଲେ, ଏମିତି ଦିନ ସବୁଦିନ ରହିବ ନାହିଁ । ଅଧିକାରୀ ଜଣକ ମନେ ରଖିବା ଉଚିତ ଯେ, ସବୁ ଦିନ ଋତୁ ସମାନ ରହିବ ନାହିଁ । ଆଉ ଯେତେବେଳେ ଋତୁ ବଦଳିବ କ’ଣ କରିବ ବୋଲି ପ୍ରଶ୍ନ କରିଛନ୍ତି । ଏଠି କହି ରଖିବୁ, ମୟୂରଭଞ୍ଜ ଜିଲ୍ଲାପାଳ ଭୀନିତ ଭରଦ୍ୱାଜଙ୍କ ବିରୋଧରେ ଅନେକ ଅଭଯୋଗ ରହିଛି । ୨୦୧୨ କ୍ୟାଡର ଆଇପିଏସ ଭିନୀତଙ୍କର ସାଢେ ୫ ବର୍ଷ ହେଲା ହେବ ଏଠାରୁ ତାଙ୍କର ବଦଳି ହୋଇନାହିଁ । ଏତେ ବର୍ଷ ଧରି ରହିବା ସର୍ବ ଭାରତୀୟ ସର୍ଭିସ ରୁଲର ଖୋଲା ଉଲ୍ଲଘଂନ । ତାଙ୍କର ବଦଳି ଦାବିରେ ପୂର୍ବରୁ ଭଞ୍ଜ ସେନା ଓ ବିଭିନ୍ନ ସଂଗଠନ ପକ୍ଷରୁ ବିକ୍ଷୋଭ କରାଯାଇଥିଲା ।
ଅନ୍ୟପକ୍ଷେ ବିଜେପି ସାଂସଦ ଅପରାଜିତା ପୂର୍ବରୁ ପ୍ରଶାସନିକ ଅଧିକାରୀମାନେ ଦଳୀୟ କାର୍ଯକ୍ରମରେ ସାମିଲ ହେଉଥିବା ଘଟଣାକୁ ନେଇ ସମାଲୋଚନା କରିଥିଲେ । ଏହା ପୂର୍ବରୁ ଏପରି ଅନେକ ଭିଡିଓ ସେ ସେୟାର କରି ପ୍ରଶାସନିକ ଅଧିକାରୀମାନେ ସରକାରୀ କାର୍ଯ୍ୟକ୍ରମରେ ସାମିଲ ହେଉଥିବା ନେଇ କହିଥିଲେ । ଏହା ପୂର୍ବରୁ ଜଣେ ସରକାରୀ ଅଧିକାରୀ ବିଜୁ ଯୁବ ଜନତା ଦଳ ମିଟିଂରେ ସମ୍ବୋଧନ କରୁଥିବା ଭିଡିଓ ମଧ୍ୟ ସାସଂଦ ସେୟାର କରିଥିଲେ । ଆଉ ଏକ ଭିଡିଓ ମଧ୍ୟ ସାଂସଦ ଅପରାଜିତା ସେୟାର କରିଥିଲେ ଯେଉଁଥିରେ ସ୍ୱୟଂ ସହାୟକ ଗୋଷ୍ଠୀ କାର୍ଯ୍ୟକର୍ତ୍ତାମାନଙ୍କୁ ବିଜେଡି ଏମଏଲଏ କଥା ମାନିବା ପାଇଁ ଶପଥ ପାଠ କରାଉଥିବା ଦେଖିବାକୁ ମିଳିଥିଲା । ଏହା ପୂର୍ବରୁ ଅର୍ଥ ଗତ ମାସରେ ସାଂସଦ ଅପରାଜିତା ୫ଟି ସେକ୍ରେଟେରୀଙ୍କ ହେଲିକପ୍ଟର ଗସ୍ତକୁ ନେଇ କଡା ସମାଲୋଚନା କରିଥିଲେ ।
