ରାସ୍ତାକଡ଼ରେ ବସିଥିବା ବେଳେ ମାଡିଗଲା ଟ୍ରକ୍; ୭ ମୃତ

ଓଡ଼ିଶା365(ବ୍ୟୁରୋ): ଗାଡି ଖରାପ ହୋଇଯିବାରୁ ରାସ୍ତାକଡରେ ବସିଥିବା ବେଳେ ମାଡିଗଲା ଟ୍ରକ୍। ଘଟଣାସ୍ଥଳରେ ୭ ଯାତ୍ରୀଙ୍କ ମୃତ୍ୟୁ। ଏପରି ଏକ ଦୁଃଖଦ ଘଟଣା ଘଟିଛି ତାମିଲନାଡୁରେ। ଆଜି ତିରୁପଥୁର ଜିଲ୍ଲାରେ ଏହି ଦୁର୍ଘଟଣା ଘଟିଛି । ପୁଲିସ ସୂଚନା ଅନୁସାରେ, କିଛି ଲୋକ ଏକ ଭ୍ୟାନରେ କେଉଁ ଏକ ସ୍ଥାନକୁ ଯାତ୍ରା କରୁଥିଲେ। ତିରୁପଥୁର ଜିଲ୍ଲାର ଏକ ସ୍ଥାନରେ ହଠାତ୍ ସେମାନଙ୍କ ଗାଡି ଖରାପ ହୋଇଯାଇଥିଲା। ଦୀର୍ଘସମୟ ଧରି ଗାଡି ଠିକ୍ ହୋଇନଥିଲା। ଫଳରେ ଯାତ୍ରୀମାନେ ଗାଡିରୁ ଓହ୍ଲାଇ ରାସ୍ତାକଡରେ ବସିଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ଏକ ଟ୍ରକ୍ ସେମାନଙ୍କ ଉପରେ ମାଡି ଯାଇଥିଲା । ସ୍ଥାନୀୟ ଲୋକଙ୍କଠୁ ଖବର ପାଇ ପୁଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଚଳଆଇଛି।