ଓଡ଼ିଶା 365 (ବ୍ୟୁରୋ): ଜି-୨୦ ସମ୍ମିଳନୀ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ସାରା ଦେଶରୁ ପ୍ରଶଂସାର ସୁଅ ଛୁଟୁଛି । ଏହାସହ ବଲିଉଡ୍ ଷ୍ଟାରମାନେ ମଧ୍ୟ ପ୍ରଧାନମନ୍ତ୍ରୀଙ୍କୁ ଭୁରି ଭୁରି ପ୍ରଶଂସା କରିଥିଲେ । ଗତକାଲି ଦିଲ୍ଲୀରେ ଶେଷ ହୋଇଥିଲା ଦୁଇଦିନିଆ ଜି-୨୦ ସମ୍ମିଳନୀ। ଏହି ମହାସଭାରେ ଯୋଗ ଦେଇଥିଲେ ବିଶ୍ୱର ଶକ୍ତିଶାଳୀ ଲିଡର। ଜି -୨୦ ଶିଖର ସମ୍ମିଳନୀରେ ଦିଲ୍ଲୀ ଘୋଷଣାକୁ ଅନୁମୋଦନ କରାଯାଇଛି। ଏହା ବ୍ୟତୀତ ଶିଖର ସମ୍ମିଳନୀରେ ଯୋଗ ଦେଇଥିବା ନେତାମାନଙ୍କ ସହିତ ସାତୋଟି ପ୍ରମୁଖ ନିଷ୍ପତ୍ତି ନିଆଯାଇଛି। ସମ୍ମିଳନୀ ଦ୍ୱିତୀୟ ସେସନ୍ରେ ଜି-୨୦ ଲିଡର୍ସ ଘୋଷଣାପତ୍ରରେ ୭ ବଡ଼ ନିଷ୍ପତ୍ତି ନିଆଯାଇଛି। ଆଫ୍ରିକା ୟୁନିଅନକୁ ଜି-୨୦ରେ ସାମିଲ କରାଯିବା ସହ ଦିଲ୍ଲୀର ମିଳିତ ଘୋଷଣା ନାମା ଜାରି କରାଯାଇଛି।
ସେପଟେ, ଜି-୨୦ ସମ୍ମିଳନୀର ସଫଳତାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶୁଭେଚ୍ଛା ଜଣାଇଛନ୍ତି ବଲିଉଡ୍ର କିଙ୍ଗ୍ ଖାନ୍ ଶାହରୁଖ ଖାନ୍। ‘ଜବାନ୍’ ଅଭିନେତା ମୋଦିଙ୍କ ନେତୃତ୍ୱକୁ ଭୁରି ଭୁରି ପ୍ରଶଂସା କରିଛନ୍ତି। ଏକ୍ସରେ ସେ ମୋଦୀ ଟ୍ୱିଟ୍ରକୁ ରିଟ୍ୱିଟ୍ ସହ ଟ୍ୟାଗ୍ କରି ଲେଖିଛନ୍ତି ଯେ, “ଭାରତର ଜି-୨୦ ବିରାଟ ଆୟୋଜନ ନେଇ ସମ୍ମାନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୁଁ ଶୁଭେଚ୍ଛା ଜଣାଉଛି। ବିଶ୍ୱବାସୀଙ୍କ ଉତ୍ତମ ଭବିଷ୍ୟତ ନିମନ୍ତେ ରାଷ୍ଟ୍ର ମଧ୍ୟରେ ଏକତାକୁ ବଢାଇବା ପାଇଁ ଯେଉଁ ଆରମ୍ଭ ଆପଣ କରିଛନ୍ତି, ତାହା ଅଦ୍ଭୁତପୂର୍ବ। ଏହା ସମଗ୍ର ବିଶ୍ୱପାଇଁ ଭାରତର ସମ୍ମାନ ଓ ଗର୍ବ। ଆମେ ପରସ୍ପର ଭିତରେ ଭିନ୍ନତା ଦେଖିବାନି, ଏକାଠି ହେବା। ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ ହେବା ଉଚିତ୍ ।”
ଅନ୍ୟପଟେ ବକ୍ସଅଫିସ୍ରେ ଧମାଲ୍ କରୁଛି ବକ୍ସଅଫିସ୍ରେ ଶାହରୁଖଙ୍କ ଅଭିନୀତ ଫିଲ୍ମ ‘ଜୱାନ’ ।ସୂଚନା ଅନୁଯାୟୀ, ସେପ୍ଚେମ୍ବର ୭ ତାରିଖରେ ସାରା ବିଶ୍ୱରେ ହିନ୍ଦୀ, ତାମିଲ ଓ ତେଲଗୁ ଭାଷାରେ ମୁକ୍ତିଲାଭ କରିବ ‘ଜୱାନ’ ।
