ଏକ ବିଂଶ ଶତାବ୍ଦିର ଭାରତ ବିଶ୍ୱକୁ ନୂଆ ଦିଗ ଦେଖାଇଛି : ପ୍ରଧାନମନ୍ତ୍ରୀ ମୋଦି

ଓଡ଼ିଶା 365 (ବ୍ୟୁରୋ) : ନୂଆଦିଲ୍ଲୀର ଭାରତ ମଣ୍ଡପମରେ ଜି-୨୦ ଶିଖର ସମ୍ମିଳନୀ ବୈଠକ ଆରମ୍ଭ ହୋଇଯାଇଛି । ସ୍ବାଗତ ଭାଷଣ ଦେଇ କାର୍ଯ୍ୟକ୍ରମକୁ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସବକା ସାଥ, ସବକା ବିଶ୍ୱାସ, ସବକା ବିକାଶର ନାରା ଦେଇ ସାରା ବିଶ୍ୱ ପାଇଁ ପଥ ପ୍ରଦର୍ଶକ ହେବ ବୋଲି ନିଜ ଅଭିଭାଷଣରେ କହିଛନ୍ତି ମୋଦି । ଏକ ବିଂଶ ଶତାବ୍ଦିର ଭାରତ ସାରା ବିଶ୍ୱକୁ ନୂଆ ଦିଗ ଦେଖାଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ । କୋଭିଡ଼ ମହାମାରୀ ପରେ ସାରା ବିଶ୍ୱରେ ବିଶ୍ୱାସର ଏକ ବଡ ଅଭାବ ଦେଖା ଦେଇଛି । କିନ୍ତୁ ବିଶ୍ୱ କରୋନା ଭଳି ମହାମାରୀର ମଧ୍ୟ ସାମ୍ନା କରିଛି । ସମସ୍ତଙ୍କ ସହଯୋଗରେ ବିଶ୍ୱର ଅନେକ ସମସ୍ୟାର ସମାଧାନ ହୋଇଛି ବୋଲି କହିଛନ୍ତି ମୋଦି ।