ୱେବସାଇଟରେ ଉପଲବ୍ଧ ହେଲା ଓଟିଇଟି ପରୀକ୍ଷାର ଓଏମଆର କପି : ସହଜ ହେଲା ମୂଲ୍ୟାୟନ ଯାଞ୍ଚ

ଓଡ଼ିଶା 365 (ବ୍ୟୁରୋ): ୱେବସାଇଟରେ ଉପଲବ୍ଧ ହୋଇଛି ଓଟିଇଟି ୨୦୨୨ ଦ୍ୱିତୀୟ ପରୀକ୍ଷାର ଓଏମଆର ସିଟ କପି। www.bseodisha.ac.in ମାଧ୍ୟମିକ ଶିକ୍ଷା ପରିଷଦ ୱେବସାଇଟରେ ଉପଲବ୍ଧ ହେଉଛି ଓଏମଆର ସିଟ। ପରୀକ୍ଷାର୍ଥୀ ନିଜର ରୋଲ ନମ୍ବର ଓ ମୋବାଇଲ ନମ୍ବର ଦେଇ ଡ଼ାଉନଲୋଡ଼ କରି ପାରିବେ। ଏନେଇ ସୂଚନା ଦେଇଛି ମାଧ୍ୟମିକ ଶିକ୍ଷା ପରିଷଦ।

ସୂଚନାଯୋଗ୍ୟ, ଗତ ଜୁଲାଇ ୧ରେ ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା ଓଟିଇଟିର ଦୁଇଟା ଯାକ ପେପର୍‌ ପାଇଁ ପରୀକ୍ଷା ହୋଇଥିଲା । ରାଜ୍ୟର ୩୦୭ଟି ପରୀକ୍ଷା କେନ୍ଦ୍ରରେ ୧ ଲକ୍ଷ ୬୦ ହଜାର ଆଶାୟୀ ଶିକ୍ଷକ ଏହି ପରୀକ୍ଷା ଦେଇଥିଲେ।