ଓଡ଼ିଶା 365 (ବ୍ୟୁରୋ):ଚର୍ଚ୍ଚାରେ କିଙ୍ଗ୍ ଖାନଙ୍କ ବହୁପ୍ରତୀକ୍ଷିତ ଫିଲ୍ମ ‘ଜୱାନ’ । ଗତକାଲି ସିନେମା ହଲରେ ଶାହରୁଖ ଖାନଙ୍କ ‘ଜୱାନ’ ମୁକ୍ତିଲାଭ କରିଛି। ପଠାନର ରେକର୍ଡ ଭାଙ୍ଗିଛି ‘ଜୱାନ’ , ଯାହାକୁ ନେଇ ଫ୍ୟାନ୍ସମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା । ଏହାରି ଭିତରେ ଏକ ରୋଚକ ତଥ୍ୟ ସାମ୍ନାକୁ ଆସିଛି । ‘ଜୱାନ’ ଫିଲ୍ମକୁ ନେଇ ଦର୍ଶକଙ୍କ ଭିଡ ଲାଗିଥିବାବେଳେ ଏହାରି ଭିତରେ ବଲିଉଡ ଫିଲ୍ମ ଅଭିନେତ୍ରୀ ରାଧିକା ମଦାନଙ୍କୁ ଦେଖିବାକୁ ମିଳିଥିଲା । କିଙ୍ଗ୍ ଖାନଙ୍କ ଫିଲ୍ମ ଦେଖିବା ପାଇଁ ମୁମ୍ବାଇ ପ୍ରସିଦ୍ଧ ‘ଗେଟି ଗେଲେକ୍ସି’ ରେ ପହଞ୍ଚିଲେ ରାଧିକା ମଦାନ । ଅଭିନେତ୍ରୀଙ୍କ ଫଟୋଗ୍ରାଫର ବିରଳ ଭୟାନୀ ମଦାନଙ୍କ ଭିଡିଓ ସେୟାର କରିଥିବା ଦେଖିବାକୁ ମଳିଛି । ଯେଉଁଥିରେ ରାଧିକା ହଳଦିଆ ରଂଗର ସୁଟ ସହ ମୁହଁରେ କଳା ରଂଗର ମାସ୍କ ବାନ୍ଧିଥିବା ଭିଡିଓରେ ଦେଖିବାକୁ ମିଳୁଛି ।
ସେପଟେ, ଗତକାଲି ରିଲିଜ୍ ହେବାର କିଛି ଘଣ୍ଟା ମଧ୍ୟରେ ସିନେମା ହଲରେ ଝଡ଼ ସୃଷ୍ଟି କରିଛି ‘ଜୱାନ’ । ପ୍ରଥମ ଦିନରେ ବକ୍ସ ଅଫିସରେ ବହୁତ ଟଙ୍କା ରୋଜଗାର କରିଛି । ବକ୍ସ ଅଫିସ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ ‘ଜୱାନ’ ପ୍ରଥମ ଦିନରେ ବକ୍ସ ଅଫିସରେ ପ୍ରାୟ ୬୫ କୋଟି ଟଙ୍କା ରୋଜଗାର କରିଛି । ଫିଲ୍ମ ପ୍ରଥମ ଦିନରେ ୬୦-୬୫ କୋଟି ଟଙ୍କା ଆୟ କରିଛି। ଏହି ଚଳଚ୍ଚିତ୍ରଟି ଗୁଜୁରାଟ, ପଞ୍ଜାବ ଏବଂ ଦିଲ୍ଲୀ-ମୁମ୍ବାଇ ସର୍କିଟରୁ ସର୍ବାଧିକ ପ୍ରତିକ୍ରିୟା ପାଇଛି। ଏହା ବ୍ୟତୀତ ‘ଜୱାନ’ ତାମିଲ ଏବଂ ତେଲୁଗୁରେ ମଧ୍ୟ ଭଲ ପ୍ରଦର୍ଶନ କରିଛି। ଯେଉଁଥିପାଇଁ ଚଳଚ୍ଚିତ୍ରର ପ୍ରଥମ ଦିନର ସଂଗ୍ରହ ଅଲ ଇଣ୍ଡିଆ ସ୍ତରରେ ୭୫ କୋଟି ଟଙ୍କା ପର୍ୟ୍ୟନ୍ତ ଯାଇପାରେ । ଏଥିରେ ଶାହାରୁଖ ଖାନଙ୍କ ସହ ନୟନତାରା , ସାନିଆ ମଲହୋତ୍ରା, ପ୍ରିୟମଣି ଏବଂ ବିଜୟ ସେଥୁପତି ମୁଖ୍ୟ ଭୂମିକାରେ ନଜର ଆସିଛନ୍ତି।
