ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ କିଙ୍ଗ୍ ଖାନଙ୍କ ବହୁପ୍ରତୀକ୍ଷିତ ଫିଲ୍ମ ‘ଜୱାନ’ । ଗତକାଲି ସିନେମା ହଲରେ ଶାହରୁଖ ଖାନଙ୍କ ‘ଜୱାନ’ ମୁକ୍ତିଲାଭ କରିଛି। ପଠାନର ରେକର୍ଡ ଭାଙ୍ଗିଛି ‘ଜୱାନ’ , ଯାହାକୁ ନେଇ ଫ୍ୟାନ୍ସମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା । ଏଟଲିଙ୍କ ନିର୍ଦ୍ଦେଶକ ଚଳଚ୍ଚିତ୍ର ‘ଜୱାନ’ ବକ୍ସ ଅଫିସରେ ଦମଦାର ପ୍ରଦର୍ଶନ କରୁଛି। ସୂଚନା ଅନୁଯାୟୀ, ରିଲିଜ ହେବାର କିଛି ଘଣ୍ଟା ମଧ୍ୟରେ ସିନେମା ହଲରେ ଝଡ଼ ସୃଷ୍ଟି କରିଛି ‘ଜୱାନ’ । ପ୍ରଥମ ଦିନରେ ବକ୍ସ ଅଫିସରେ ବହୁତ ଟଙ୍କା ରୋଜଗାର କରିଛି । ଯେଉଁଥିପାଇଁ ଶାହାରୁଖ ଖାନଙ୍କ ଏହି ସିନେମା ତାଙ୍କ ପୂର୍ବ ବ୍ଲକବଷ୍ଟର ଫିଲ୍ମ ପଠାନର ରେକର୍ଡ ଭାଙ୍ଗିବାକୁ ଯାଉଛି।
ସେପଟେ,ଫିଲ୍ମ ରିଲିଜ ହେବା ପରେ ପ୍ରଥମ ଦିନର ରୋଜଗାରର ଆନୁମାନିକ ଆକଳନ ପ୍ରକାଶ ପାଇଛି। ବକ୍ସ ଅଫିସ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ ଜୱାନ ପ୍ରଥମ ଦିନରେ ବକ୍ସ ଅଫିସରେ ପ୍ରାୟ ୬୫ କୋଟି ଟଙ୍କା ରୋଜଗାର କରିଛି । ଫିଲ୍ମ ପ୍ରଥମ ଦିନରେ ୬୦-୬୫ କୋଟି ଟଙ୍କା ଆୟ କରିଛି। ଏହାପୂର୍ବରୁ ଶାହରୁଖ ଏବଂ ଦୀପିକାଙ୍କ ଅଭିନୀତ ଚଳଚ୍ଚିତ୍ର ପଠାନ ବକ୍ସ ଅଫିସରେ ପ୍ରଥମ ଦିନରେ ୫୭ କୋଟି ଟଙ୍କା ରୋଜଗାର କରିଥିଲା। ହେଲେ ‘ଜୱାନ’ ପ୍ରଥମ ଦିନରେ ଏତେ ମାତ୍ରାରେ ରୋଜଗାର କରିଛି ଯେ, ଯାହା ପଠାନ ରେକର୍ଡକୁ ପ୍ରଥମ ଦିନରେ ଭାଙ୍ଗିି ଦେଇଛି ।
ସୁଚନା ଅନୁଯାୟୀ, ଏହି ଚଳଚ୍ଚିତ୍ରଟି ଜନ୍ମାଷ୍ଟମୀରେ ସମ୍ପୂର୍ଣ୍ଣ ଲାଭ ପାଇଛି । ଚଳଚ୍ଚିତ୍ର ଗୁଜୁରାଟ, ପଞ୍ଜାବ ଏବଂ ଦିଲ୍ଲୀ-ମୁମ୍ବାଇ ସର୍କିଟରୁ ସର୍ବାଧିକ ପ୍ରତିକ୍ରିୟା ପାଇଛି। ଏହା ବ୍ୟତୀତ ଫିଲ୍ମ ତାମିଲ ଏବଂ ତେଲୁଗୁରେ ମଧ୍ୟ ଭଲ ପ୍ରଦର୍ଶନ କରିଛି। ଯେଉଁଥିପାଇଁ ଚଳଚ୍ଚିତ୍ରର ପ୍ରଥମ ଦିନର ସଂଗ୍ରହ ଅଲ ଇଣ୍ଡିଆ ସ୍ତରରେ ୭୫ କୋଟି ଟଙ୍କା ପର୍ୟ୍ୟନ୍ତ ଯାଇପାରେ ।ଏଥିରେ ଶାହାରୁଖ ଖାନଙ୍କ ସହ ନୟନତାରା , ସାନିଆ ମଲହୋତ୍ରା, ପ୍ରିୟମଣି ଏବଂ ବିଜୟ ସେଥୁପତୀ ମୁଖ୍ୟ ଭୂମିକାରେ ନଜର ଆସିଛନ୍ତି। ଏଟଲିଙ୍କ ନିର୍ଦ୍ଦେଶରେ ନିର୍ମିତ ‘ଜୱାନ’ଙ୍କୁ ପ୍ରଶଂସା କରିବାକୁ କେହି ଅଟକି ନାହାଁନ୍ତି। ଅନ୍ୟପଟେ ଅଧିକାଂଶ ଲୋକ ଶାହାରୁଖ ଖାନଙ୍କ ‘ଜୱାନ’କୁ ଏକ ବ୍ଲକବଷ୍ଟର ହିଟ୍ କହୁଥିବାବେଳେ, ଶାହାରୁଖ ଖାନ ତାଙ୍କ ପାୱାର ଏବଂ ସ୍ଵାଗ୍ ସହିତ ପୁଣି କମ୍ବ୍ୟାକ୍ କରିଛନ୍ତି । ‘ଜୱାନ’ ପ୍ରତ୍ୟେକ ଆଡୁ ଭଲ ପ୍ରତିକ୍ରିୟା ପାଉଛି । ଭଲ କାହାଣୀ, ସୁନ୍ଦର ସିନେମା ସହ ଭରପୁର ଆକ୍ସନ୍ ଲୋକମାନଙ୍କୁ ଫିଲ୍ମ ଆଡକୁ ଟାଣିନଉଛି ।
