ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ ସୁପରଷ୍ଟାର ରଶ୍ମିକା ମନ୍ଦନା ଓ ବିଜୟ ଦେବରକୋଣ୍ଡାଙ୍କ ଯୋଡ଼ି । ସବୁବେଳେ ଏହି ଯାଡ଼ିଙ୍କ ସମ୍ପର୍କକୁ ନେଇ ଚର୍ଚ୍ଚା ଲାଗି ରହିଛି । କେହି କେହି ପ୍ରଶଂସକମାନେ କୁହନ୍ତି ଯେ, ରଶ୍ମିକା-ବିଜୟଙ୍କ ମଧ୍ୟରେ ଲଭ୍ ରିଲେସନ୍ ଅଛି , ଆଉକେହି କୁହନ୍ତି ଯେ,ଉଭୟେ ପରସ୍ପରକୁ ବିବାହ ଖୁବଶୀଘ୍ର ବିବାହ କରିବେ । ହେଲେ ଏପର୍ଯ୍ୟନ୍ତ ଉଭୟ ରଶ୍ମିକା-ବିଜୟ ତାଙ୍କ ସମ୍ପର୍କକୁ ନେଇ ମୁହଁ ଖୋଲିନାହାନ୍ତି ।
ଏହାରି ମଧ୍ୟରେ ଦୁହେଁ ଦୀର୍ଘ ସମୟ ଧରି ପରସ୍ପରକୁ ଡେଟ୍ କରୁଥିବାର ଖବର ସୋସିଆଲ ମିଡିଆରେ ଭାଇରାଲ ହେଉଛି ।
ଚର୍ଚ୍ଚା ହେଉଛି ଯେ, ରଶ୍ମିକା ଏବଂ ବିଜୟ ଲିଭ-ଇନରେ ଅଛନ୍ତି। ନିକଟରେ ରଶ୍ମିକା ନିଜ ସୋସିଆଲ ମିଡିଆ ହ୍ୟାଣ୍ଡେଲରୁ ନିଜର ଏକ ଫଟୋ ସେୟାର କରିଛନ୍ତି । ଯାହାକୁ ଦେଖି ଲୋକମାନେ ତାଙ୍କ ରୁମର୍ଡ ପ୍ରେମିକ ବିଜୟ ଦେବରକୋଣ୍ଡାଙ୍କୁ ମନେ ପକାଇଥିଲେ। ଏହି ଫଟୋରେ ରଶ୍ମିକା ଏକ କମଳା ରଙ୍ଗର ଶାଢ଼ି ପିନ୍ଧି ଛାତ ଉପରେ ଛିଡ଼ା ହୋଇଛନ୍ତି । ଏହି ଛାତକୁ ଦେଖିଲେ ଲାଗୁଛି ଏହା ବୋଧେ ବିଜୟଙ୍କ ଘର ବୋଲି ପ୍ରଶଂସକମାନେ ଦାବି କରୁଛନ୍ତି।
ଏହାସହ ଜଣେ ପ୍ରଶଂସକ ବିଜୟଙ୍କ ଏକ ପୁରୁଣା ଫଟୋ ସେୟାର କରି ଲେଖିଛନ୍ତି ଯେ, ରଶ୍ମିକା ବିଜୟଙ୍କ ଘରେ ରହୁଛନ୍ତି ନା ଉଭୟ ଲିଭ୍ ଇନ୍ରେ ରହୁଛନ୍ତି। ଫଟୋରେ ଦେଖାଯାଉଥିବା ବଗିଚାରେ ଉଭୟଙ୍କ ଫଟୋ ସମାନ ଦେଖାଯାଉଛି। ଯାହାକୁ ନେଇ ପ୍ରଶଂସକମାନେ ସୋସିଆଲ ମିଡିଆରେ ଆଲୋଚନା କରୁଛନ୍ତି । ସେପଟେ ଦୁହିଁଙ୍କ ଲଭ-ଇନ୍ କୁ ନେଇ ଚର୍ଚ୍ଚା ଜୋର ଧରିଛି। ହେଲେ ଦୁହେଁ ଏପର୍ୟ୍ୟନ୍ତ ଏହି ପ୍ରସଙ୍ଗରେ ମୁହଁ ଖୋଲିନଥିବା ଶୁଣିବାକୁ ମିଳୁଛି ।
