ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ କିଙ୍ଗ୍ ଖାନଙ୍କ ବହୁପ୍ରତୀକ୍ଷିତ ଫିଲ୍ମ ‘ଜୱାନ’ । ଆଜି ସିନେମା ଘରେ ଶାହରୁଖ ଖାନଙ୍କ ଜୱାନ ମୁକ୍ତିଲାଭ କରିଛି। ପଠାନର ରେକର୍ଡ ଭାଙ୍ଗିଛି ଜୱାନ , ଯାହାକୁ ନେଇ ଫ୍ୟାନ୍ସମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳୁଛି । ସକାଳର ପ୍ରଥମ ସୋ ଦେଖିବା ପାଇଁ ଥିଏଟରରେ ହଜାର ହଜାର ଦର୍ଶକଙ୍କ ଭିଡ଼ ଜମିଥିଲା । କେବଳ ଏତିକି ନୁହେଁ, କିଙ୍ଗ୍ ଖାନଙ୍କ ଚଳଚ୍ଚିତ୍ର ଏକ ପର୍ବ ପରି ପାଳନ କରାଯାଉଛି। ଯେଉଁମାନେ ଫିଲ୍ମ ଦେଖୁଛନ୍ତି ସେମାନେ ସୋସିଆଲ ମିଡିଆରେ ନିଜର ମତ ଦେଉଛନ୍ତି, ଯାହା କି ପୂର୍ବରୁ ହେଇନଥିଲା । ଏହାସହ ବଡ଼ ପରଦାରେ ଶାହାରୁଖଙ୍କ ଡ୍ୟାନ୍ସ ଦେଖି ଫ୍ୟାନ୍ସମାନେ ମଧ୍ୟ ଥିଏଟରେ ଓ ବାହାରେ ନାଚୁଥିବାର ଭିଡିଓ ଭାଇରାଲ ହେବାରେ ଲାଗିଛି। ଏଥିସହ ଜୱାନକୁ ବହୁତ ପ୍ରଶଂସା କରିବା ସହ ପ୍ରଶଂସକମାନେ ଏହାକୁ ଏକ ବ୍ଲକବଷ୍ଟର ହିଟ୍ ବୋଲି କହୁଛନ୍ତି।
ଅନ୍ୟପଟେ ଏହି ଫିଲ୍ମରେ ଶାହାରୁଖ ଖାନଙ୍କ ସହ ନୟନତାରା , ସାନିଆ ମଲହୋତ୍ରା, ପ୍ରିୟମଣି ଏବଂ ବିଜୟ ସେଥୁପତୀ ମୁଖ୍ୟ ଭୂମିକାରେ ନଜର ଆସିଛନ୍ତି। ଏଟଲିଙ୍କ ନିର୍ଦ୍ଦେଶରେ ନିର୍ମିତ ଜୱାନଙ୍କୁ ପ୍ରଶଂସା କରିବାକୁ କେହି ଅଟକି ନାହାଁନ୍ତି। ବିଶେଷ କଥା ହେଉଛି ହିନ୍ଦୀ ସହିତ ଜୱାନ ତାମିଲ ଏବଂ ତେଲୁଗୁ ଭାଷାରେ ମଧ୍ୟ ମୁକ୍ତିଲାଭ କରିଛି। ଯେଉଁଥି ପାଇଁ ଦକ୍ଷିଣରେ ମଧ୍ୟ ଶାହାରୁଖଙ୍କ କ୍ରେଜ୍ ଦେଖିବାକୁ ମିଳୁଛି । ଅଧିକାଂଶ ଲୋକ ଶାହାରୁଖ ଖାନଙ୍କ ଜୱାନକୁ ଏକ ବ୍ଲକବଷ୍ଟର ହିଟ୍ କହୁଥିବାବେଳେ, ଶାହାରୁଖ ଖାନ ତାଙ୍କ ପାୱାର ଏବଂ ସ୍ଵାଗ୍ ସହିତ ପୁଣି କମ୍ବ୍ୟାକ୍ କରିଛନ୍ତି । ଜୱାନ ପ୍ରତ୍ୟେକ ଆଡୁ ଭଲ ପ୍ରତିକ୍ରିୟା ପାଉଛି । ଭଲ କାହାଣୀ, ସୁନ୍ଦର ସିନେମା ସହ ଭରପୁର ଆକ୍ସନ୍ ଲୋକମାନଙ୍କୁ ଫିଲ୍ମ ଆଡକୁ ଟାଣିନଉଛି ।
ସେପଟେ ରିଲିଜ୍ ପୂର୍ବରୁ ମଧ୍ୟ ଜୱାନ ସମଗ୍ର ଦୁନିଆର ବକ୍ସ ଅଫିସରେ ଭଲ ବ୍ୟବସାୟ କରିଛି। ଭାରତରେ ଫିଲ୍ମଟି ପ୍ରଥମ ଦିନରେ ୩୨.୪୭ କୋଟି ଏବଂ ବିଦେଶରେ ୧୮.୭୦ କୋଟି ବକ୍ସ ଅଫିସ କଲେକ୍ସନ କରିଛି । ମନୋବାଲା ବିଜୟବାଲନ ଅନ୍ୟ ଏକ ଟୁଇଟ୍ରେ ଲେଖିଛନ୍ତି, ଶାହରୁଖ ଖାନଙ୍କ ଜୱାନ ମଲ୍ଟିପ୍ଲେକ୍ସରେ ୩,୯୧,୦୦୦ ଟିକେଟ ବିକ୍ରି ହୋଇ ସାରିଛି। ଟପ୍-୫ ଉପରେ ନଜର ପକାଇଲେ ପ୍ରଥମ ସ୍ଥାନରେ ବାହୁବଳୀ-୨ ରହିଛି, ଯାହାର ୬,୫୦,୦୦୦ ଟିକେଟ୍ ବିକ୍ରି ହୋଇଥିଲା। ଏହା ପରେ ପଠାନ- ୫,୫୬,୦୦୦, କେଜିଏଫ ଚାପ୍ଟର ୨- ୫, ୧୫,୦୦୦, ଓ୍ଵାର- ୪, ୧୦,୦୦୦ ଓ ଫିଲ୍ମ ଜୱାନ – ୩, ୯୧,୦୦୦।
