ଦେଶ ହିତ ପାଇଁ ଭାରତ ସହ ମୁକ୍ତ ବାଣିଜ୍ୟ ଚୁକ୍ତି କରିବ ବ୍ରିଟେନ

ଓଡ଼ିଶା 365 (ବ୍ୟୁରୋ) : ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ମୁକ୍ତ ବାଣିଜ୍ୟ ଚୁକ୍ତି ସମ୍ପର୍କରେ ଏକ ବଡ଼ ବିବୃତ୍ତି ଦେଇଛନ୍ତି। ସେ କହିଛନ୍ତି, ବ୍ରିଟେନର ହିତ ପାଇଁ ଭାରତ ସହ ମୁକ୍ତ ବାଣିଜ୍ୟ ଚୁକ୍ତିରେ ରାଜି ହେବ ବ୍ରିଟେନ  । ବ୍ରିଟିଶ କ୍ୟାବିନେଟ ବୈଠକ ପରେ ପ୍ରଧାନମନ୍ତ୍ରୀଙ୍କ ବାସଭବନ ଦ୍ୱାରା ଜାରି ଏକ ବିବୃତ୍ତି ଅନୁଯାୟୀ ଏହି ଖବର ଆସିଛି। ଋଷି ସୁନକ କହିଛନ୍ତି ଯେ, ଏକ ମୁକ୍ତ ବାଣିଜ୍ୟ ଚୁକ୍ତି ଉପରେ ବୁଝାମଣା ଅଗ୍ରଗତି କରୁଛି ଏବଂ ସେ କେବଳ ବ୍ରିଟେନର ସ୍ବାର୍ଥ ପାଇଁ ଏକ ଆଭିମୁଖ୍ୟରେ ସହମତ ହେବେ। କ୍ୟାବିନେଟ ବ୍ୟବସାୟ ବୈଠକରେ ଅନୁଷ୍ଠିତ ଆଲୋଚନାରେ ଏହି ସମ୍ବନ୍ଧୀୟ ଅଦ୍ୟତନ ବିଷୟରେ ଋଷି ସୁନକ ତାଙ୍କ ମନ୍ତ୍ରୀମାନଙ୍କୁ ସୂଚନା ଦେଇଛନ୍ତି।