ରୁଷିଆ ଏବଂ ୟୁକ୍ରେନ ଯୁଦ୍ଧ ବିଶ୍ୱ ଅର୍ଥନୀତିକୁ ପ୍ରଭାବିତ କରିଛି : ମୋଦି

ଓଡ଼ିଶା 365 (ବ୍ୟୁରୋ) : ଦରଦାମ ବୃଦ୍ଧିକୁ ନେଇ ମତ ରଖିଛନ୍ତି ପ୍ରଧାନମନନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନନ୍ତ୍ରୀ ମୋଦି କହିଛନ୍ତି, ମୁଦ୍ରାସ୍ଫୀତି ହେଉଛି ଏକ ବିଶ୍ୱସ୍ତରୀୟ ପ୍ରସଙ୍ଗ ଯାହା ଏହାର ମୁକାବିଲା ପାଇଁ ପାରସ୍ପରିକ ସହଯୋଗ ଆବଶ୍ୟକ କରୁଛି। ଏପରିସ୍ଥଳେ ସଭିଏଁ ଏକଜୁଟ ହୋଇ ଏହା ବିରୋଧରେ ଲଢ଼ିବା ଜରୁରୀ। ପ୍ରଥମେ କରୋନା ମହାମାରୀ ଏବଂ ପରେ ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ବିଶ୍ୱ ସ୍ତରରେ ମୁଦ୍ରାସ୍ଫୀତିର ଗତିଶୀଳତାକୁ ବଦଳାଇ ଦେଇଛି। ଏହି କାରଣଗୁଡିକ ଯୋଗୁ ବିକଶିତ ତଥା ଉଦୀୟମାନ ଅର୍ଥନୀତି ଉଚ୍ଚ ମୁଦ୍ରାସ୍ଫୀତିର ସମ୍ମୁଖୀନ ହେଉଛନ୍ତି। ଆମେ ସାଧାରଣ ଲୋକଙ୍କ ଜୀବନକୁ ସହଜ କରିବା ପାଇଁ କ୍ରମାଗତ ଭାବରେ ଜନସାଧାରଣଙ୍କ ସ୍ବାର୍ଥକୁ ଦୃଷ୍ଟିରେ ରଖି ନିଷ୍ପତ୍ତି ନେଉଛୁ। ଏହା ଅନ୍ତର୍ଗତ ଏଲପିଜି ସିଲିଣ୍ଡର ମୂଲ୍ୟରେ ହ୍ରାସ ଏକ ଉତ୍ତମ ଉଦାହରଣ ବୋଲି ସେ କହିଛନ୍ତି ।