ଓଡ଼ିଶା 365 (ବ୍ୟୁରୋ): ଷ୍ଟିୟରିଂ ଫେଲ୍ ହେବାରୁ ବିଲକୁ ମାଡିଗଲା ଯାତ୍ରୀବାହୀ ବସ୍। ବାଲେଶ୍ୱର-ବାରିପଦା ୧୮ନଂ ଜାତୀୟ ରାଜପଥରେ ଏଭଳି ଦୁର୍ଘଟଣା ଦେଖିବାକୁ ମିଳିଛି । ଷ୍ଟିୟରିଂ ଫେଲ୍ ହେବାରୁ ଭାରସାମ୍ୟ ହରାଇ ବିଲକୁ ମାଡିଗଲା ବସ୍, ମାତ୍ର ବିଶେଷ କିଛି କ୍ଷୟ କ୍ଷତି ହୋଇନଥିବା ଜଣାପଡ଼ିଛି । ୩ ଜଣ ଯାତ୍ରୀ କେବଳ ଆହତ ହୋଇଛନ୍ତି । ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ ଯେ, ବାଲେଶ୍ୱର-ବାରିପଦା ୧୮ନଂ ଜାତୀୟ ରାଜପଥ ରାଗଧା ନିକଟରେ ଦୁର୍ଘଟଣା ଘଟିଛି । ଅମର୍ଦ୍ଦାରୁ ବାରିପଦା ଆସୁଥିବା ‘ଶ୍ରୀ ଜଗନ୍ନାଥ’ ନାମକ ବସ୍ ର ଷ୍ଟିୟରିଂ ଫେଲ୍ ହୋଇଯାଇଥିଲା । ଫଳରେ ବସ୍ଟି ରାସ୍ତା କଡ ବିଲକୁ ମାଡିଯାଇଛି । ଦୁର୍ଘଟଣାରେ କେହି ମୃତାହତ ହୋଇନଥିବା ବେଳେ ୩ ଜଣ ସାମାନ୍ୟ ଆହତ ହୋଇଛନ୍ତି । ଆହତଙ୍କୁ କେସିପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଭର୍ତ୍ତି କରାଯାଇଛି।
