ଓଡ଼ିଶା 365 (ବ୍ୟୁରୋ): ନୂଆପଡା ୩୫୩ ନଂ ଜାତୀୟ ରାଜପଥରେ ଟ୍ରକ୍-କାର୍ ମୁହାଁମୁହିଁ ଧକ୍କା । ଫଳରେ ଖାର୍ଟି ସମ୍ପୂର୍ଣ୍ଣ ଭାଙ୍ଗିଯାଇଥିବା ବେଳେ କାର୍ ଚାଳକଙ୍କ ସହ ଦୁଇ ଜଣ ଗୁରୁତର ହୋଇଛନ୍ତି । ଏହାପରେ ଟ୍ରକ୍କୁ ଅଟକ ରଖିଛି ନୂଆପଡା ପୋଲିସ । ଜଣଙ୍କୁ ନୂଆପଡା ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଅନ୍ୟ ଜଣଙ୍କୁ ରାୟପୁର ସ୍ଥାନାନ୍ତର କରାଯାଇଛି । ତେବେ ଚାଳକ ଜଣଙ୍କ ନୂଆପଡା ମନ୍ଦିରପଡାର ହୋଇଥିବା ବେଳେ ଧର୍ମଗଡର ଜଣେ ସାଙ୍ଗଙ୍କ ସହ ନୂଆପଡାକୁ ଫେରୁଥିବା ବେଳେ ଦୁର୍ଘଟଣାର ଶିକାର ହୋଇଛନ୍ତି ।
ସୂଚନାଯୋଗ୍ୟ ଯେ, ନୂଆପଡା ୩୫୩ ନଂ ଜାତୀୟ ରାଜପଥ ମହୁଲଭଟା ଛକଠାରେ ସଡକ ଦୁର୍ଘଟଣା ଘଟିଛି । ଟ୍ରକ୍ ସହ କାର୍ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣା ଫଳରେ କାର୍ ଚାଳକଙ୍କ ସହ ଦୁଇ ଜଣ ଗୁରୁତର ହୋଇଛନ୍ତି । ଟ୍ରକ୍କୁ ଅଟକ ରଖି ତଦନ୍ତ କରୁଛି ନୂଆପଡା ପୋଲିସ ।
