କଟକରେ ବ୍ଲାକ୍ ଫାୟାରିଂ କରି ବ୍ୟବସାୟୀଙ୍କଠାରୁ ଲୁଟିନେଲେ ଟଙ୍କା ଓ ସୁନାଗହଣା

ଓଡ଼ିଶା 365 (ବ୍ୟୁରୋ): ବ୍ଲାକ୍ ଫାୟାରିଂକରି ବ୍ୟବସାୟୀଙ୍କଠାରୁ ଟଙ୍କା ଓ ସୁନାଗହଣା ଲୁଟିନେଲେ ଦୁର୍ବୃତ୍ତ। ଏଭଳି ଘଟଣା ଦେଖିବାକୁ ମିଳିଛି କଟକ କନ୍ଦରପୁର ନିକଟ ମତ୍ତଗଜପୁରରେ। ଫାଙ୍କା ଗୁଳି ଚାଳନା କରି ଦୁର୍ବୃତ୍ତମାନେ ଜଣେ ସୁନା ବ୍ୟବସାୟୀଙ୍କଠାରୁ ପ୍ରାୟ ୫ ଲକ୍ଷ ଟଙ୍କାର ସୁନା ଗହଣା ଓ ୨୫ ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ତେବେ ବ୍ୟବସାୟୀ ଜଣକ କନ୍ଦରପୁରର ଅନ୍ତର୍ଗତ ମତ୍ତଗଜପୁର ହାଟସାହିର ବିକାଶ ପାତ୍ର ବୋଲି ଜଣାପଡିଛି । 

ସୂଚନାଅନୁଯାୟୀ, ଆଜି ମଧ୍ୟାହ୍ଣରେ ସୁନା ବ୍ୟବସାୟୀ ବିକାଶ ପାତ୍ର ଏକ ବାଇକ ଯୋଗେ ମତ୍ତଗଜପୁର ଦେଇ ବ୍ୟବସାୟ କରିବା ପାଇଁ ସ୍ଥାନୀୟ ଅଞ୍ଚଳକୁ ଯାଉଥିଲେ । ଏହି ସମୟରେ ୩ଟି ବାଇକରେ ପ୍ରାୟ ୭ଜଣ ଦୁର୍ବୃତ୍ତ ଆସିଥିଲେ । ତାପରେ ୪ ରାଉଣ୍ଡ ଫାଙ୍କା ଗୁଳିଚାଳନା କରି ସୁନା ଗହଣା ଓ ଟଙ୍କା ଲୁଟି ନେଇଥିଲେ । ପରେ ଦୁର୍ବୃତ୍ତ ମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଖବର ପାଇ କନ୍ଦରପୁର ପୋଲିସ ଓ ସ୍ପେଶାଲ ସ୍କାର୍ଡ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।