ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଭାଇଜାନ ସଲମାନ ଖାନ୍ । ସବୁବେଳେ ନିଜର ଦମଦାର ଅଭିନୟ ସହ ଷ୍ଟାଇଲିସ୍ ଲୁକ୍ ପାଇଁ ଚର୍ଚ୍ଚାରେ ଥାଆନ୍ତି ଭାଇଜାନ । ବର୍ତ୍ତମାନ ଭାଇଜାନ ହୋଷ୍ଟ କରୁଥିବା ସବଠାରୁ ବଡ଼ ବଜେଟ୍ ସୋ ବିଗ୍ ବସ୍ ସବୁବେଳେ ଚର୍ଚ୍ଚାରେ ଥାଏ । ସୂଚନା ଅନୁଯାୟୀ, ଗତ କିଛି ଦିନ ହେବ ବିଗ୍ ବସ୍ ଓଟିଟି ସିଜିନ୍ ୨ ଶେଷ ହୋଇଛି । ଏହାପରେ ବିଗ୍ ବସ୍ ର ଅନ୍ୟ ଏକ ସିଜିନ୍ ଆରମ୍ଭ ହେବ ବୋଲି ଚର୍ଚ୍ଚା ହେଉଛି ।
ସେପଟେ ଖୁବଶୀଘ୍ର ଆସିବାକୁ ଯାଉଛି ‘ବିଗ୍ ବସ୍ ୧୭’ , ଯାହାକୁ ନେଇ ଫ୍ୟାନ୍ସମାନେ ବେଶ୍ ଉତ୍ସାହ ସହକାରେ ଅପେକ୍ଷା କରିଛନ୍ତି । ଅନ୍ୟପଟେ ‘ବିଗ୍ ବସ୍ ୧୭’ ପାଇଁ ଭାଇଜାନ ପ୍ରୋମୋ ସୁଟ୍ କରିସାରିଲେଣି , ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଫଟୋରେ ଭାଇଜାନ କାଓ୍ଵାଲି ଗାୟକ ଭାବେ ନଜର ଆସିଛନ୍ତି । ତାଙ୍କ ଏହି ଲୁକ୍ ୭୦ କିମ୍ବା ୮୦ ଦଶକର ଫିଲ୍ମର ହିରୋମାନଙ୍କ କାହାଣିକୁ ମନେ ପକାଇ ଦେଉଛି । ତେବେ ଏହି ସିଜିନ୍ କିଛି ନୂଆ ଢଙ୍ଗରେ ଆସିବା ପାଇଁ ଯାଉଛି । କାରଣ ବିଗ୍ ବସର ଏହି ସିଜିନ୍ କପଲ୍ ଏବଂ ସିଙ୍ଗିଲ୍ଙ୍କ ମଧ୍ୟରେ ହେବାକୁ ଯାଉଛି ।
ସୂଚନା ଅନୁଯାୟୀ, ‘ବିଗ୍ ବସ୍ ୧୭’ ରେ ଅଙ୍କିତା ଲୋଖଣ୍ଡେ,ବିକି ଜେନ୍ ଏବଂ ନିଲ ଭଟ୍ଟ, ଐଶ୍ୱର୍ୟ୍ୟା ଶର୍ମା କପଲ୍ କରନ କୁନ୍ଦ୍ରା ଏବଂ ତେଜସ୍ୱୀ ପ୍ରକାଶ, ଏଜାଜ ଖାନ୍ ଏବଂ ପବିତ୍ରା ପୁନିୟା ମଧ୍ୟ ସୋ ରେ ମେଣ୍ଟର ଭାବେ ନଜର ଆସିବେ । ଏହାସହ ‘ବିଗ୍ ବସ୍ ର ଏହି ୧୭ତମ ସିଜିନ୍ ଚଳିତ ବର୍ଷ ଅକ୍ଟୋବର ର ମଧ୍ୟଭାଗରେ ହିଁ ଆରମ୍ଭ ହେବକୁ ଯାଉଛି । ତେବେ ଏହି ସୋ ଡେରିରେ ଆରମ୍ଭ ହେବ କାରଣ ସେହି ସମୟରେ ବିଶ୍ୱକପ୍ ୨୦୨୩ ରହୁଛି । ବିଶ୍ୱକପ୍ ପାଇଁ ‘ବିଗ୍ ବସ୍ ୧୭’ ଡେରିରେ ଆରମ୍ଭ ହେବ ।
