ଓଡ଼ିଶା 365 (ବ୍ୟୁରୋ):ସେପ୍ଟେମ୍ବର ୧ ରେ ମୁକ୍ତିଲାଭ କରିଛି ଦକ୍ଷିଣ ଇଣ୍ଡଷ୍ଟ୍ରିର ସୁପରହିଟ୍ ଅଭିନେତ୍ରୀ ସାମନ୍ଥା ରୁଥ ପ୍ରଭୃ ଏବଂ ସାଉଥ୍ ସୁପରଷ୍ଟାର ବିଜୟ ଦେବରାକୋଣ୍ଡାଙ୍କ ଫିଲ୍ମ ‘ଖୁସି’ । ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଭିନୟ କରୁଥିବା ବିଜୟ ଦେବରାକୋଣ୍ଡା ଏବଂ ସାମନ୍ଥା ରୁଥ ପ୍ରଭୃ ସେମାନଙ୍କ ଚଳଚ୍ଚିତ୍ରର ପ୍ରମୋଶନ ବହୁତ କରିଥିଲେ। ଦକ୍ଷିଣ ଚଳଚ୍ଚିତ୍ରର ପ୍ରସିଦ୍ଧ ଅଭିନେତା ନାଗାର୍ଜୁନ ବିଗ୍ ବସ୍ ତେଲୁଗୁ ୭କୁ ହୋଷ୍ଟ କରୁଛନ୍ତି। ନାଗାର୍ଜୁନଙ୍କ ବୋହୂ ଥିଲେ ସାମନ୍ଥା । ଚର୍ଚ୍ଚା ହେଉଛି ବୋଧ ହୁଏ ଏହି କାରଣ ପାଇଁ ବିଗ୍ ବସକୁ ଆସିନାହାନ୍ତି ଅଭିନେତ୍ରୀ ସାମନ୍ଥା ରୁଥ ପ୍ରଭୃ ।
ଯେତେବେଳେ ନାଗାର୍ଜୁନ ବିଜୟଙ୍କୁ ସାମନ୍ଥାଙ୍କ ବିଷୟରେ ଏକ ପ୍ରଶ୍ନ ପଚାରିଲେ, ଏହା ବହୁତ ଭାଇରାଲ ହୋଇଥିଲା । ସେ ପଚାରିଥିଲେ ଯେ, ତୁମେ ଏକୁଟିଆ ଆସିଛ, ତୁମ ସହ ସାମନ୍ଥା ଆସିନାହାନ୍ତି କି ? ବିଜୟ ନାଗାର୍ଜୁନଙ୍କ ପ୍ରଶ୍ନ ଶୁଣି ହସିବାକୁ ଲାଗିଲେ । ସେ କହିଲେ ଯେ, ସାମନ୍ଥା ଏବେ ଆମେରିକାରେ ଅଛନ୍ତି କାରଣ ତାଙ୍କୁ ତାଙ୍କ ସ୍ୱାସ୍ଥ୍ୟ ଉପରେ ଧ୍ୟାନ ଦେବାକୁ ପଡିବ। ସେ କହିଛନ୍ତି ଯେ ଫିଲ୍ମର ସାକ୍ଷାତକାର ପାଇଁ ସାମନ୍ଥା ଖୁବ୍ ଶୀଘ୍ର ଭାରତ ଫେରିବେ ।
