ଓଡ଼ିଶା 365 (ବ୍ୟୁରୋ) : ଉତ୍ତରପ୍ରଦେଶରେ ଲଜ୍ଜା । ଚକୋଲେଟ ଦେଇ ୧୦ ବର୍ଷର ନାବାଳିକାକୁ ଦୁଷ୍କର୍ମ ଅଭିଯୋଗ । ନାବାଳିକାକୁ ଦୁଷ୍କର୍ମ କଲା ୭୦ ବର୍ଷିୟ ବୃଦ୍ଧ । ଏନେଇ ଥାନାରେ ଅଭିଯୋଗ ପରେ ଅଭିଯୁକ୍ତକୁ ଗିରଫ କରିଛି ପୋଲିସ । ଏଭଳି ଘଟଣା ଘଟିଛି ଉତ୍ତରପ୍ରଦେଶର ସାମ୍ବଲ ଜିଲ୍ଲାର ନାଖାସା ଅଞ୍ଚଳରେ । ଅଭିଯୁକ୍ତ ଜଣଙ୍କ ହେଉଛି ମୋନିସ ଖାନ । ପୀଡିତା ନାବାଳିକା ଜଣଙ୍କ ତୃତୀୟ ଶ୍ରେଣୀରେ ପାଠ ପଢନ୍ତି । ସେ ଦୋକାନକୁ ଚକୋଲେଟ କିଣିବାକୁ ଯାଇଥିଲେ । ଏହି ସମୟରେ ଅଭିଯୁକ୍ତ ମୋନିସ ଖାନ ନାବାଳିକାକୁ ପାଖକୁ ଡାକିଥିଲେ । ପୂର୍ବରୁ ଅଭିଯୁକ୍ତର ଦୋକାନକୁ ପୀଡିତଙ୍କ ମାଆ ବହୁବାର ଆସିଥିବାରୁ ନାବାଳିକା ଜଣଙ୍କ ବୃଦ୍ଧ ନିକଟକୁ ଯାଇଥିଲେ । ଏହାପରେ ଅଭିଯୁକ୍ତ ବୃଦ୍ଧ ଜଣଙ୍କ ନାବାଳିକାଙ୍କୁ ଚକୋଲେଟ ଦେଇ ଘର ଭିତରୁ ନେଇଯାଇ ଦୁଷ୍କର୍ମ କରିଥିଲା ।
ଏହି ସମୟରେ ବୃଦ୍ଧ ଜଣଙ୍କୁ ସ୍ଥାନୀୟ ଜଣେ ବାସିନ୍ଦା ରେଡ ହ୍ୟାଣ୍ଡରେ ଧରିବା ପରେ ଘଟଣା ସମ୍ପର୍କରେ ସମସ୍ତଙ୍କୁ କହିଥିଲେ । ପରେ ଅଭିଯୁକ୍ତକୁ ପୁଲିସର ଜିମା ଦେଇଥିଲେ । ଏନେଇ ଜଣେ ପୋଲିସ ଅଧିକାରୀ କହିଛନ୍ତି ଯେ, ପୀଡ଼ିତା ବାପାଙ୍କ ଅଭିଯୋଗ ପରେ ପୋକ୍ସ ଆକ୍ଟ ସହିତ ଆଇପିସି ଧାରା ୩୭୬ଏବି ଅନୁଯାୟୀ ଅଭିଯୁକ୍ତ ବିରୋଧରେ ଏକ ମାମାଲା ରୁଜୁ କରାଯାଇଛି । ପଚରାଉଚରା ପରେ ଅଭିଯୁକ୍ତ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
