ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ କଲକୀ କୋଚଲିନ୍ ଏବଂ ଦୀପ୍ତି ନବଲଙ୍କ ଫିଲ୍ମ ଗୋଲ୍ଡଫିସ୍ । ଯାହା ସେପ୍ଟେମ୍ବର ୩ରେ ସଂସଦ ଗୃହରେ ପ୍ରଦର୍ଶିତ ହୋଇଥିଲା। ଦୀର୍ଘ ୪ ବର୍ଷ ଧରି ଫିଲ୍ମ ଦୁନିଆଠୁ ନିଜକୁ ଦୂରେଇ ରଖିଥିବା କଲକୀ କୋଚଲିନ୍ ପୁଣିଥରେ ଦମଦାର ଏଣ୍ଟ୍ରି କରିଛନ୍ତି । ଫିଲ୍ମ ବିଷୟରେ କହିବାକୁ ଗଲେ କଲକୀ ଏବଂ ଦୀପ୍ତି ନବଲଙ୍କ ଫିଲ୍ମ ଗୋଲ୍ଡଫିସକୁ ସବୁଆଡେ ପ୍ରଶଂସା କରାଯାଉଛି।
ଏହି ଚଳଚ୍ଚିତ୍ର ଦର୍ଶକ ମାନଙ୍କୁ ବେଶ୍ ଆକର୍ଷିତ କରୁଛି । ଏହା ବ୍ୟତୀତ ବର୍ତ୍ତମାନ ଏହି ଚଳଚ୍ଚିତ୍ରଟି ରାଷ୍ଟ୍ରପତି ଭବନରେ ମଧ୍ୟ ପ୍ରଦର୍ଶିତ ହୋଇଛି। ଏହା କୌଣସି ସମ୍ମାନ ଠାରୁ କମ୍ ନୁହେଁ । ଏହି ଫିଲ୍ମ ରିଲିଜ ହେବାର ଦୁଇ ଦିନ ପରେ ଫିଲ୍ମ ଡିଭିଜନ ଅଡିଟୋରିୟମରେ ପ୍ରଦର୍ଶିତ ହୋଇଥିଲା। ଫିଲ୍ମ କାହାଣୀ ଏବଂ ଏହାର ସୁଟିଂ ଶୈଳୀକୁ ଦର୍ଶକମାନେ ବେଶ୍ ପସନ୍ଦ କରୁଛନ୍ତି ।
ଏହି କାହାଣୀଟିକୁ ଆରାଜ୍ଞା ଲାହିରି ଏବଂ ପୁଷ୍ପନ କୃପ୍ଲାନି ଲେଖିଥିବାବେଳେ ଅମିତ ସକ୍ସେନାଙ୍କ ସ୍ପ୍ଲେଣ୍ଡିଡ୍ ଫିଲ୍ମର ବ୍ୟାନରରେ ନିର୍ମିତ ହୋଇଛି ଗୋଲ୍ଡଫିସ୍ । ସେହିପରି ଭେଟେରାନ ଚଳଚ୍ଚିତ୍ର ନିର୍ମାତା ଅନୁରାଗ କାଶ୍ୟପ ଉପସ୍ଥାପନ କରିଥିବା ବେଳେ କଲକୀ ଏବଂ ଦୀପ୍ତି ନବଲଙ୍କ ବ୍ୟତୀତ ରଜିତ କପୁର, ଭାରତୀ ପଟେଲ ଏବଂ ନେହାଙ୍କ ଭଳି କଳାକାରମାନେ ଏଥିରେ ନିଜର ଦମ୍ ଦେଖାଇଛନ୍ତି ।
