ଓଡ଼ିଶା 365 (ବ୍ୟୁରୋ): ରେକର୍ଡ ସୃଷ୍ଟି କରୁଛି ଆୟୁଷ୍ମାନ ଖୁରାନାଙ୍କ ଫିଲ୍ମ ଡ୍ରିମ୍ ଗାର୍ଲ ୨ । ବକ୍ସ ଅଫିସରେ ବହୁତ ଭଲ ଦମଦାର ବ୍ୟବସାୟ କରୁଛି ଡ୍ରିମ୍ ଗାର୍ଲ ୨ । ବାରମ୍ବାର ଫ୍ଲପ୍ ହେବାପରେ ଆୟୁଷ୍ମାନ ଖୁରାନାଙ୍କ ପାଇଁ ଏହି ଫିଲ୍ମ ଶୁଭ ସଙ୍କେତ ଦେଇଛି । ଯାହାକୁ ନେଇ ବେଶ୍ ଖୁସି ଅଛନ୍ତି ଆୟୁଷ୍ମାନ ।
ସୂଚନା ଅନୁଯାୟୀ, ଡ୍ରିମ୍ ଗାର୍ଲ ୨ ରିଲିଜ୍ ହେବାର ୧୦ ଦିନ ହୋଇଗଲାଣି । ଏହା ସହିତ ଚଳଚ୍ଚିତ୍ରଟି ବିଶ୍ୱରେ ୧୦୦ କୋଟି ଅତିକ୍ରମ କରିଛି। ଅର୍ଥାତ୍ ଏହା ୧୦୦ କୋଟି କ୍ଲବରେ ସାମିଲ ହୋଇଛି । ଏହା ସହିତ ଡ୍ରିମ୍ ଗାର୍ଲ ୨ ଅଭିନେତାଙ୍କ ପଞ୍ଚମ ଚଳଚ୍ଚିତ୍ର ହୋଇ ୧୦୦କୋଟି କ୍ଲବରେ ପ୍ରବେଶ କରିଛି ।ଭାରତରେ ୮୬.୧୬ କୋଟି ନିଟ୍ ସଂଗ୍ରହ କରିଥିବାବେଳେ ମୋଟ ସଂଗ୍ରହ ହେଉଛି ୧୦୧.୭୦ କୋଟି। ଏଥି ସହିତ ବିଦେଶରେ ରୋଜଗାର ୧୨ କୋଟି ପର୍ୟ୍ୟନ୍ତ ବୃଦ୍ଧି ପାଇଛି।
ଏହା ସହିତ, ୱାର୍ଲ୍ଡ ୱାଇଡ୍ରେ ୧୧୩.୭୦ କୋଟି ବ୍ୟବସାୟ କରିଛି । ଡ୍ରିମ୍ ଗାର୍ଲ ୨ ୨୦୨୩ର ୧୧ତମ ଫିଲ୍ମ ହୋଇଛି । ଯାହା ୱାଲ୍ଡ ୱାଇଡ୍ ବକ୍ସ ଅଫିସରେ ୧୦୦ କୋଟି କ୍ଲବରେ ଏଣ୍ଟ୍ରି କରିଛି । ଏହାପୂର୍ବରୁ ପଠାନ, କିସି କା ଭାଇ କିସି କି ଜାନ, ରକି ଔର ରାନୀଙ୍କ ପ୍ରେମ କାହାଣୀ, ଆଦିପୁରୁଷ, ଗଦର-୨, ଓଏମଜି୨, କେରଳ ଷ୍ଟୋରୀ, ତୁ ଝୁଠି ମେନ୍ ମକାର, ସତ୍ୟପ୍ରେମ କି କଥା ଏବଂ ଜରା ହଟକେ ଜାରା ବାଚକେ ୱାଲ୍ଡ ୱାଇଡ୍ ବକ୍ସ ଅଫିସରେ ପ୍ରବେଶ କରିଥିଲେ ।
