ଓଡ଼ିଶା 365 (ବ୍ୟୁରୋ: ଚର୍ଚ୍ଚାରେ ବଲିଉଡ୍ର କିଙ୍ଗ୍ ଖାନଙ୍କ ଅପକମିଂ ଫିଲ୍ମ ଜୱାନ୍ । ସେପ୍ଟେମ୍ବର ୭ ତାରିଖରେ ଫିଲ୍ମ ରିଲିଜ୍ ହେବାକୁ ଯାଉଥିବାବେଳେ ଏବେଠୁ ଫ୍ୟାନ୍ସମାନଙ୍କ ଭିତରେ ହଇଚଇ ସୃଷ୍ଟି କଲାଣି ଜୱାନ୍ । ସୂଚନା ଅନୁଯାୟୀ, ଯବାନ ଫିଲ୍ମ ପାଇଁ ସେପ୍ଟେମ୍ବର ୧ ତାରିଖରୁ ଆଡ୍ଭାନ୍ସ ବୁକିଂ ଆରମ୍ଭ ହୋଇଥିଲା। ସେପ୍ଟେମ୍ବର ୪ ତାରିଖ ସୁଦ୍ଧା ୬ ଲକ୍ଷ ଟିକେଟ୍ ଆଗୁଆ ବିକ୍ରି ହୋଇସାରିଛି। ଫଳରେ ଫିଲ୍ମ ରିଜ୍ ହେବା ପୂର୍ବରୁ ୧୭.୫୦ କୋଟି ଆୟ କରିସାରିଲାଣି। ଆଡ୍ଭାନ୍ସ ବୁକିଂର ଆଉ ଦୁଇ ଦିନ ବାକି ରହି ଥିବାରୁ ଆହୁରି ଅଧିକ ଆଗୁଆ ଟିକେଟ୍ ବୁକ୍ ହେବ। ଏହା ଗଦର-୨ ଆଡ୍ଭାନ୍ସ ବୁକିଂର ରେକର୍ଡ ଭାଙ୍ଗିବ ବୋଲି ଚର୍ଚ୍ଚ ହେଉଛି । ଗଦର-୨ ଆଡଭାନ୍ସ ବୁକିଂରେ ୧୮.୫ କୋଟି ଆୟ କରିଥିଲା। ହିନ୍ଦୀ ସିନେମାରେ ସର୍ବାଧିକ ଆଡଭାନ୍ସ ଟିକେଟ୍ ବୁକର୍ ସିନେମା ହୋଇଯିବ ଶାହରୁଖ ଖାନଙ୍କ ଫିଲ୍ମ ଯବାନ।
ତେବେ ପ୍ରଥମ ୨୪ ଘଣ୍ଟାରେ ୨ ଲକ୍ଷ ଟିକେଟ୍ ଆଡ୍ଭାନ୍ସ ବୁକ୍ ହୋଇଥିଲା। ଯାହା ରେକର୍ଡ ସୃଷ୍ଟି କରିଛି । ଏହା ପୂର୍ବରୁ କୌଣସି ହିନ୍ଦୀ ସିନେମା ୨୪ ଘଣ୍ଟାରେ ଏତେ ଆଡ୍ଭାନ୍ସ ବୁକିଂ କଲେକ୍ସନ କରିପାରି ନଥିଲା। ଅଟ୍ଲୀଙ୍କ ନିର୍ଦ୍ଦେଶିତ ଜୱାନ ଫିଲ୍ମରେ ଶାହରୁଖ ଖାନ, ନୟନତାରା, ବିଜୟ ସେତୁପତି, ପ୍ରିୟମଣି, ସନ୍ୟା ମଲହୋତ୍ରା ଏବଂ ଅନ୍ୟମାନେ ଅଭିନୟ କରିଛନ୍ତି। ଦୀପିକା ପାଦୁକୋନଙ୍କୁ ମଧ୍ୟ ଏକ ଛୋଟ ଭୂମିକାରେ ଏହି ଫିଲ୍ମରେ ଦେଖିବାକୁ ମିଳିବ।
