ଛତୁ ଚାଷିଙ୍କ ପାଇଁ ସରକାରଦେଉଛନ୍ତି ୫୦ ପ୍ରତିଶତ ଅନୁଦାନ, ଚାଷି ହେବେ ମାଲାମାଲ

ଓଡ଼ିଶା 365 (ବ୍ୟୁରୋ) : ଚାଷୀମାନଙ୍କ ଅଗ୍ରଗତି ପାଇଁ କେନ୍ଦ୍ର ସରକାର ଅନେକ ଯୋଜନା କାର୍ଯ୍ୟକାରୀ କରିଛନ୍ତି । ଏଥିସହ ଅନେକ ସହାୟତା ରାଶି ମଧ୍ୟ ପ୍ରଦାନ କରୁଛନ୍ତି । ଏହାରି ମଧ୍ୟରେ ବିହାର ରାଜ୍ୟରେ ମହିଳାମାନେ ମଧ୍ୟ ପୁରୁଷମାନଙ୍କ ଭଳି ଚାଷ କରୁଛନ୍ତି । ଆଜି ଆମେ ଏପରି କିଛି ବିଷୟରେ କହିବାକୁ ଯାଉଛୁ ଯେଉଁଥିରେ ମହିଳାମାନେ ଛତୁ ଚାଷ କରି ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି । ରାଷ୍ଟ୍ରୀୟ କୃଷି ବିକାଶ ଯୋଜନା ଅନୁଯାୟୀ, ନଡାରେ ଛତୁ ଚାଷ କରୁଥିବା ଲାଭାର୍ଥୀ ମମତା କୁମାରୀଙ୍କ କହିବା ଅନୁଯାୟୀ, ସେ ୨୦୧୮ ମସିହାରୁ ଛତୁ ଛାଷ କରୁଛନ୍ତି । ତାଙ୍କର ଏସଏସଜୀ ଗ୍ରୁପ ମଧ୍ୟ ହୋଇଛି ଏବଂ ସରକାରଙ୍କ ତରଫରୁ ଛତୁ ଉତ୍ପାଦାନ ପାଇଁ ୯୦ ହଜାର ଟଙ୍କା ପ୍ରଦାନ କରାଯାଇଛି । ଏଥିରେ ଆମକୁ ବହୁ ସହାୟତା ମିଳୁଛି ଏବଂ ଆଗକୁ ବଢିବା ଲାଗି ସୁଯୋଗ ମିଳୁଛି ।

ଛତୁରୁ ତିଆରି ହେଉଥିବା ଉତ୍ପାଦ ଯେମିତିକି ବିସ୍କୁଟ, ପାମ୍ପଡ଼, ଆଚାର ଆଦି ମଧ୍ୟ ଉତ୍ପାଦନ କରାଯାଉଛି । ଏମଆଇଡିଏଚ ଯୋଜନା ଅନ୍ତର୍ଗତ ଛତୁ, ଛତୁ ସ୍ପାନ ଏବଂ ଛତୁ କମ୍ପୋଷ୍ଟ ଉତ୍ପାଦନ ଲାଗି ବିହାର ସରକାର ୫୦ ପ୍ରତିଶତ ଅନୁଦାନ ପ୍ରଦାନ କରୁଛନ୍ତି । ଛତୁ ଚାଷରେ କମ୍ ଖର୍ଚ୍ଚ ଏବଂ ଲାଭ ଅଧିକ ରହିଛି । ଏହି କାରଣରୁ ଛତୁ ଚାଷ ବଢିବାରେ ଲାଗିଛି । ରିପୋର୍ଟ ଅନୁଯାୟୀ, ସାରା ଦେଶରେ ବିହାର ରାଜ୍ୟ ଛତୁ ଉତ୍ପାଦନରେ ଆଗୁଆ ।