ଓଡ଼ିଶା 365 (ବ୍ୟୁରୋ): ସେପ୍ଟେମ୍ବର ୨୫ରୁ କଂଗ୍ରେସ ଆରମ୍ଭ କରିବ ‘ଘରେ ଘରେ କଂଗ୍ରେସ, ଘରେ ଘରେ ହାତ’ ଅଭିଯାନ। ଯାହା ଆସନ୍ତା ଅକ୍ଟୋବର ୧୫ ଯାଏଁ ଚାଲିବ ବୋଲି କହିଛନ୍ତି ପିସିସି ସଭାପତି ଶରତ ପଟ୍ଟନାୟକ। ଏହି ଅଭିଯାନ ଜରିଆରେ ପଦଯାତ୍ରା କରି ଲୋକଙ୍କ ପାଖରେ ପହଞ୍ଚିବ କଂଗ୍ରେସ ଦଳ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିଫଳତାକୁ ନେଇ କଂଗ୍ରେସ ଲୋକଙ୍କ ପାଖକୁ ଯିବ କଂଗ୍ରେସ ।
ସେପଟେ ଆଜି ହାତ ଧରିଛନ୍ତି ଭାରତୀୟ ହକି ଦଳର ପୂର୍ବତନ ଅଧିନାୟକ ପ୍ରବୋଧ ତିର୍କୀ । ହକି ଷ୍ଟିକ ଛାଡି ହାତ ଧରିଲେ । କଂଗ୍ରେସ ଭବନରେ ଆୟୋଜିତ ଏକ ମିଶ୍ରଣ ପର୍ବରେ ଆନୁଷ୍ଠିକ ଭାବେ ଦଳରେ ସାମିଲ ହୋଇଛନ୍ତି ଏଇ ହକି ତାରକା । ପ୍ରବୋଧ କଂଗ୍ରେସରେ ମିଶିବା ନେଇ ପୂର୍ବରୁ ଆଲୋଚନା ହେଉଥିଲା । କାରଣ ପୂର୍ବରରୁ ସେ ବାଲିଶଙ୍କରାରେ ହେଉଥିବା ବ୍ଲକ ଘେରାଉ କାର୍ଯ୍ୟକ୍ରମରେ ସେ କଂଗ୍ରେସ ପତାକା ଧରି ସାମିଲ ହୋଇଥିଲେ ।
