ଓଡ଼ିଶା 365 (ବ୍ୟୁରୋ): ରାଜ୍ୟରେ ଆଗୁଆ ନିର୍ବାଚନ ନେଇ ମିଳିଲାଣି ଆଗୁଆ ଆଭାସ। ଏଥିପାଇଁ ଆଜି ସନ୍ଧ୍ୟାରେ ବିଜେଡି କରିବ ହୋମୱର୍କ । ନିରଙ୍କୁଶ ସଂଖ୍ୟା ଗରିଷ୍ଠତା ପାଇ ଆସିଥିବା ବିଜେଡିର ଆଗୁଆ ନିର୍ବାଚନ ପ୍ରସ୍ତୁତି ପାଇଁ ନବୀନ ନିବସକୁ ଡାକରା ପଠେଇଛନ୍ତି ସୁପ୍ରିମୋ ନବୀନ ପଟ୍ଟନାୟକ।କୌଣସି ସ୍ଥାନରେ ସାମାନ୍ୟ ତ୍ରୁଟିକୁ ବି ବରଦାସ୍ତ କରିବନି ଦଳ । ଘରେ ଘରେ ଯେମିତି ଶଙ୍ଖ ବାଜିବ ସେଥିପାଇଁ ତୃଣମୂଳ ସ୍ତରରୁ ପ୍ରସ୍ତୁତି ଆରମ୍ଭ କରିବାକୁ ଯାଉଛି । ସେଥିପାଇଁ ଆଜି ସନ୍ଧ୍ୟାରେ ନବୀନ ନିବାସରେ ବସିବ ବିଜେଡିର ଗୁରୁତ୍ୱପୂର୍ଣ୍ଣ ବୈଠକ । ଏହି ବୈଠକରେ ଯୋଗ ଦେବା ପାଇଁ ଦଳର ଜିଲ୍ଲା ପର୍ଯ୍ୟବେକ୍ଷକମାନଙ୍କ ସମେତ ବରିଷ୍ଠ ନେତାଙ୍କୁ ଡକାଯାଇଛି । ବୈଠକରେ ଆଗାମୀ ନିର୍ବାଚନ ନେଇ ପ୍ରସ୍ତୁତି ଉପରେ ଆଲୋଚନା କରାଯିବ ।
ତେବେ ଘରେ ଘରେ ଶଙ୍ଖ ଫୁଙ୍କବା ପାଇଁ ବିଜେଡି ଆରମ୍ଭ କରିବ ପଦଯାତ୍ରା । ଏହି ପଦଯାତ୍ରା ଗାନ୍ଧୀ ଜୟନ୍ତୀରୁ ଆରମ୍ଭ ହେବ । ସେ ନେଇ ମଧ୍ୟ ବୈଠକରେ ଆଲୋଚନ ହେବ । ଏଥିସହିତ ମୁଖ୍ୟମନ୍ତ୍ରୀଙ୍କର ବିଭିନ୍ନ ସଭା ନେଇ ଆଜିର ବୈଠକରେ ଆଲୋଚନା ହେବା ସମ୍ଭାବନା ରହିଛି ।
