ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସନ୍ନି ଦେଓଲଙ୍କ ଫିଲ୍ମ ‘ଗଦର ୨’ । ଚଳିତ ବର୍ଷର ବ୍ଲକବଷ୍ଟର ହିଟ୍ ପାଲଟିଛି ‘ଗଦର ୨’ । ସନି୍ନଙ୍କ ଆଶାଠାରୁ ଅଧିକ ମାତ୍ରାରେ ସଫଳତା ହାସଲ କରିଛି ‘ଗଦର ୨’ । ଏହି ଚଳଚ୍ଚିତ୍ର ସନ୍ନିଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ହୋଇପାରିଛି । ଏହି ଖୁସିରେ ‘ଗଦର ୨’ ର ସଫଳତାର ପାର୍ଟି ମୁମ୍ବାଇରେ ଅନୁଷ୍ଠିତ ହୋଇଥିଲା। ସଲମାନଙ୍କ ଠାରୁ ଆରମ୍ଭ କରି ଅମୀର ଖାନ ଏବଂ ଶାହରୁଖ , ସଞ୍ଜୟ ଦତ୍ତଙ୍କ ଭଳି ଅନେକ ତାରକା ଯୋଗ ଦେଇଥିଲେ ।
ସେପଟେ ନୀଳ ଟି-ସାର୍ଟ ଏବଂ ପ୍ୟାଣ୍ଟରେ ଧର୍ମେନ୍ଦ୍ର ପାର୍ଟିରେ ଏଣ୍ଟ୍ରି କରିଥିଲେ । ପୁଅର ସଫଳତାର ଖୁସି ତାଙ୍କ ମୁହଁରେ ସ୍ପଷ୍ଟ ଦେଖାଯାଉଥିଲା। ଅନ୍ୟପଟେ ପୁରୁଣା ଶତ୍ରୁତାକୁ ଭୁଲି ଶାହରୁଖ ଖାନ ମଧ୍ୟ ଗଦର ୨ ର ସଫଳତା ପାର୍ଟିରେ ଯୋଗ ଦେଇ ସନ୍ନିଙ୍କୁ ଦେଖିବା ମାତ୍ରେ ଆଲିଙ୍ଗନ କରି ପୋଜ୍ ଦେଇଥିଲେ । ଏହାପରେ ବଲିଉଡର ଭାଇଜାନ ମଧ୍ୟ ଦବଙ୍ଗ ଷ୍ଟାଇଲ୍ରେ ପାର୍ଟିରେ ଏଣ୍ଟ୍ରି କରିଥିଲେ । ଏହାସହ ବଲିଉଡର ଷ୍ଟାଇଲିସ୍ ଯୋଡି ସିଦ୍ଧାର୍ଥ ମଲହୋତ୍ରା ଓ କିଆରା ଆଡଭାନୀ ମଧ୍ୟ ସନ୍ନଙ୍କ ପାର୍ଟିରେ ଯୋଗ ଦେଇଥିଲେ ।
ଏଥି ସହିତ ଅମୀର ଖାନ, ଶିଳ୍ପା ଶେଟ୍ଟୀ, କ୍ରିତି ସାନନ, କାଜୋଲ-ଅଜୟ ଦେବଗନ୍ , ଉତ୍କର୍ଷ ଶର୍ମା, ଚଳଚ୍ଚିତ୍ରର ନିର୍ଦ୍ଦେଶକ ଅନିଲ ଶର୍ମା, ଅମିଶା ପଟେଲ, ସୁନିଲ ଶେଟ୍ଟୀ, ସଞ୍ଜୟ ଦତ୍ତ, ଅନୀଲ କପୁର ଏବଂ ବିକି କୌଶଲ, ଅନୁପମ୍ ଖେର, ଅଭିଷେକ ବଚ୍ଚନଙ୍କ ଭଳି ବଡ଼ ବଡ଼ ତାରକା ସନ୍ନିଙ୍କ ‘ଗଦର ୨’ ର ସଫଳ ପାର୍ଟିରେ ଯୋଗ ଦେଇଥିଲେ। ।
