ଓଡ଼ିଶା 365 (ବ୍ୟୁରୋ): ଫ୍ୟାନ୍ସମାନଙ୍କୁ ଖୁସି ଖବର ଦେଲେ ବଲିଉଡର ଭାଇଜାନ ସଲମାନ ଖାନ୍ ଓ କ୍ୟାଟ୍ରିନା କୈଫ୍ । ସାମ୍ନାକୁ ଆସିଲା ଟାଇଗର-୩ର ପ୍ରଥମ ପୋଷ୍ଟର । ପୋଷ୍ଟର ଦେଖି ଫ୍ୟାନ୍ସମାନଙ୍କ ଖୁସି କହିଲେ ନ ସରେ । ଆସନ୍ତା ନଭେମ୍ବର ୧୦ ତାରିଖରେ ଦୀପାବଳି ଅବସରରେ ଟାଇଗର-୩ ମୁକ୍ତିଲାଭ କରିବ । ଏହାସହ ଆସନ୍ତା ୭ ତାରିଖରେ ଟାଇଗର-୩ର ଟିଜର୍ ରିଲିଜ୍ ହେବାକୁ ଯାଉଛି ।
ସୂଚନା ଅନୁଯାୟୀ, ମନୀଷ ଶର୍ମାଙ୍କ ନିର୍ଦ୍ଦେଶନାରେ ନିର୍ମିତ ଏହି ପ୍ରୋଜେକ୍ଟ ‘ଟାଇଗର’ ଫ୍ରାଞ୍ଚାଇଜିର ୩ୟ ଫିଲ୍ମ । ଆଦିତ୍ୟ ଚୋପ୍ରାଙ୍କ ପ୍ରଯୋଜନାରେ ଏହି ଫିଲ୍ମଟି ନିର୍ମାଣ ହେବାକୁ ଯାଉଛି । ଏଥିରେ ସଲମାନ୍ ଓ କ୍ୟାଟ୍ରିନା ଉଭୟ ଅବିନାଶ ସିଂହ ରାଠୋର ଓ ଜୋୟା ଚରିତ୍ର ଜରିଆରେ ପୁଣି ପରଦାକୁ ଫେରିବେ । ୟଶରାଜ୍ ଫିଲ୍ମସ ୟୁନିଭର୍ସର ‘ଟାଇଗର ଜିନ୍ଦା ହୈ’, ‘ୱାର୍’ ଓ ‘ପଠାନ୍’ ଫିଲ୍ମ ପରି କାହାଣୀ ଏଥିରେ ଦେଖିବାକୁ ମିଳିବ । ।
ସେପଟେ, ସଲମାନ୍ ସୋସିଆଲ ମିଡିଆରେ ହିନ୍ଦୀ, ଇଂରାଜୀ, ତାମିଲ, ତେଲୁଗୁରେ ଫିଲ୍ମର ପୋଷ୍ଟର ଶେୟାର କରି ଲେଖିଛନ୍ତି ଯେ,‘ମୁଁ ଆସୁଛି! ଦିୱାଲୀ-୨୦୨୩ରେ ଟାଇଗର୍-୩!’ ଏହି ପୋଷ୍ଟକୁ ନେଇ ସଲମାନଙ୍କ ଫ୍ୟାନ୍ ଲଗାତାର ପ୍ରତିକ୍ରିୟା ଦେଉଛନ୍ତି । ଅନ୍ୟପଟେ କ୍ୟାଟ୍ରିନା ପୋଷ୍ଟର ଶେୟାର କରି ଲେଖିଛନ୍ତି ଯେ,‘ନୋ ଲିମିଟ୍ସ, ନୋ ଫିୟର, ନୋ ଟର୍ନିଂ ବ୍ୟାକ୍! ଏଇ ଦିୱାଲିରେ ‘ଟାଇଗର-୩’ ।
