ଓଡ଼ିଶା 365 (ବ୍ୟୁରୋ): ରାଜ୍ୟରେ ଗୋମାଂସ ଚାଲଣରେ ଲାଗୁନି ରୋକ୍। ଅବୈଧ ସତ୍ତ୍ବେ ବି ଆଜି ଭୁବନେଶ୍ୱରରୁ ସିକନ୍ଦରାବାଦ୍ ଯାଇଥାଆନ୍ତା ଗୋମାଂସ ପ୍ୟାକେଟ୍। ଗୋସେବା ପରିବଷଦର ଅଭିଯୋଗ ପରେ ଭୁବନେଶ୍ୱର ରେଳ ଷ୍ଟେସନରୁ ଗୋମାଂସ ପ୍ୟାକେଟ୍ ଜବତ କରିଛି ଜିଆରପି । ଆର୍ପିଏଫ୍ ବି ଘଟଣାସ୍ଥଳରେ ପହଞ୍ଚି ଛାନ୍ଭିନ୍ କରୁଛି ।
ଖବର ଅନୁଯାୟୀ, ଭୁବନେଶ୍ୱରର ବିଶାଖା ଟ୍ରେନରେ ସିକନ୍ଦରାବାଦ୍ ଯାଇଥାଆନ୍ତା ଗୋମାଂସ ପ୍ୟାକେଟ୍। ଏଥି ପାଇଁ ରେଳ ଷ୍ଟେସନର ରଖାଯାଇଥିଲା ପ୍ୟାକେଟ । ଏନେଇ ଗୋସେବା ପରିବଷଦ ପକ୍ଷରୁ ଜିଆର୍ପିକୁ ଅଭିଯୋଗ କରାଯାଇଥିଲା । ଏହାପରେ ଜିଆର୍ପି ଏବଂ ଆର୍ପିଏଫ୍ ମିଳିତ ଭାବେ ପ୍ୟାକେଟକୁ ଜବତ କରିଥିଲେ । ଏହାପରେ ପ୍ୟାକେଟ୍ ଖୋଲିବାରୁ ସେଥିରେ ଗୋମାଂସ ଥିବା ଜଣାପଡିଥିଲା । ଏହିସହିତ ଏହି ଘଟଣାରେ ଜଣଙ୍କୁ ଅଟକ ରଖାଯାଇଛି । ସେହିପରି ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଛାନ୍ଭିନ୍ ଜାରି ରହିଛି । ଏହି ରାକେଟ୍ର ଚେର କେତେ ବାଟ ପର୍ଯ୍ୟନ୍ତ ଲମ୍ବିଛି ତଦନ୍ତ ପରେ ଜଣାପଡ଼ିବ।
