ଓଡ଼ିଶା ୩୬୫ (ବ୍ୟୁରୋ): ଏସିଆ କପରେ ଆଜି ଖେଳାଯିବ ପଞ୍ଚମ ଲିଗ ମ୍ୟାଚ। ପ୍ରଥମ ଥର ପାଇଁ ଭାରତକୁ ଭେଟିବ ନେପାଳ । ଏହି ମ୍ୟାଚ୍ ଜିତିବା ଭାରତ ପାଇଁ ଗୁରୁତ୍ବ ବଢ଼ାଇଛି। ପାକିସ୍ତାନ ବିପକ୍ଷ ବାତିଲ ମ୍ୟାଚ୍ରୁ ଭାରତ ମାତ୍ର ଗୋଟିଏ ପଏଣ୍ଟ ପାଇଥିବାରୁ ଏହି ମ୍ୟାଚ୍ ଜିତିବା ରୋହିତ ବାହିନୀ ପାଇଁ କର ବା ମର ଭଳି ପରିସ୍ଥିତି ହୋଇଛି। ପୂର୍ବ ମ୍ୟାଚ ଭଳି ଏହି ମ୍ୟାଚରେ ମଧ୍ୟ ବର୍ଷା ବାଧକ ସାଜିବାର ଆଶଙ୍କା ଅଛି । ସୁପର୍-୪ରେ ପ୍ରବେଶ କରିବାକୁ ହେଲେ ଭାରତକୁ ଏହି ମ୍ୟାଚ୍ ଜିତିବାକୁ ପଡ଼ିବ । ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚରେ ନିରାଶ କରିଥିଲେ ଭାରତୀୟ ଟପ୍-ଅର୍ଡର ।ପାକିସ୍ତାନ ପ୍ରଥମ ମ୍ୟାଚରେ ନେପାଳକୁ ୨୩୮ ରନ୍ରେ ପରାସ୍ତ କରି ସୁପର-୪ରେ ପହଞ୍ଚିସାରିଛି। ଅପରାହ୍ନ ୩ଟାରେ କାଣ୍ଡି ପାଲ୍ଲେକାଲ ଷ୍ଟାଡିୟମରେ ଖେଳାଯିବ ଭାରତ-ନେପାଳ ମ୍ୟାଚ ।ଏହି ମ୍ୟାଚ୍ ଜିତି ସୁପର-୪ରେ ପହଞ୍ଚିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ।
ଏସିଆ କପ:ଆଜି ନେପାଳକୁ ଭେଟିବ ଭାରତ
