ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ହ୍ୟାଣ୍ଡସମ୍ ବୟ ହ୍ରିତିକ୍ ରୋଶନ । ଖବର ମୁତାବକ, ହ୍ରିତିକଙ୍କ ପୁଅ ଏବେ ବହୁତ ବଡ଼ ହୋଇଗଲେଣି। ସେ ବାପାଙ୍କ ଠାରୁ ଅଧିକ ସୁନ୍ଦର ମଧ୍ୟ ଦେଖାଯାଉଛନ୍ତି । ହ୍ରିତିକଙ୍କୁ ସୋମବାର ଏକ ରେଷ୍ଟୁରାଣ୍ଟ୍ ବାହାରେ ତାଙ୍କ ପୁଅ ରିଦାନ ଏବଂ ରିହାନଙ୍କ ସହ ଦେଖିବାକୁ ମିଳିଛି। ଅଭିନେତାଙ୍କ ଦୁଇ ଜଣ ଯାକ ପୁଅଙ୍କୁ ଦେଖି ପ୍ରଶଂସକ ଖୁବ୍ ଖୁସି ହୋଇଛନ୍ତି । ହ୍ରିତିକଙ୍କ ଦୁଇ ପୁଅ ଏତେ ଜଲ୍ଦି ଏତେ ବଡ଼ ହୋଇଗଲେଣି ବୋଲି ଫ୍ୟାନ୍ସ ମାନେ ବିଶ୍ୱାସ କରିପାରୁନାହାନ୍ତି ।
ସେପଟେ ରେହାନ ନିଜ ସୌନ୍ଦର୍ୟ୍ୟ ଲୋକଙ୍କୁ ଆକର୍ଷିତ କରୁଛି । କଳା ଟି-ସାର୍ଟ ଓ ଜିନ୍ସରେ ଖୁବ୍ ହ୍ୟାଣ୍ଡ୍ସମ୍ ଦିଶୁଛନ୍ତି ରେହାନ । ତାଙ୍କ ବ୍ୟକ୍ତିତ୍ବକୁ ଦେଖି ଲୋକ ଖୁବ୍ ପ୍ରଶଂସା କରୁଛନ୍ତି। ଯଦି ବଲିଉଡ୍ରେ ସେ ନିଜ କ୍ୟାରିୟର୍ ଗଢ଼ିବେ ତ ବାପାଙ୍କ ପରି ସେ ମଧ୍ୟ ସୁପର୍ଷ୍ଟାର୍ ବନିଯିବେ ।
ସେପଟେ ଜଣେ ପ୍ରଶଂସକ କମେଣ୍ଟରେ ଲେଖିଛନ୍ତି ଯେ, ‘‘ଇଏ ତ ଏକ୍ଦମ୍ ନିଜ ବାପାଙ୍କ ଉପରେ ଯାଇଛନ୍ତି।’’ ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି, ‘‘ଏତେ ସୁନ୍ଦର ପିଲା କେବଳ ଅଭିନେତାଙ୍କର ହିଁ ହୋଇପାରେ।’’ତୃତୀୟ ବ୍ୟବହାରକାରୀ ଲେଖିଛନ୍ତି, ‘‘ଏବେଠାରୁ ଇଏ ଅଭିନେତା ଲାଗୁଛନ୍ତି।’’ ସେ ଖୁବ୍ ଶୀଘ୍ର ବଲିଉଡ୍ରେ ପ୍ରବେଶ ହୋଇଯିବା ଉଚିତ ବୋଲି ଫ୍ୟାନ୍ସମାନେ ମତ ଦେଇଛନ୍ତି ।
