ଭାରତୀୟ ମୂଳନିବାସୀ ହେଲେ ସିଙ୍ଗାପୁରର ନୂତନ ରାଷ୍ଟ୍ରପତି

ଓଡ଼ିଶା 365 (ବ୍ୟୁରୋ) : ପ୍ରତ୍ୟେକ ଭାରତୀୟଙ୍କ ପାଇଁ ଏକ ଖୁସି ଖବର ଆସି ପହଞ୍ଚିଛି । ଭାରତୀୟ ମୂଳନିବାସୀ ଥର୍ମନ ଶନମୁଗରତ୍ନମ ସିଙ୍ଗାପୁରର ନୂତନ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । ରାଷ୍ଟ୍ରପତି ନିର୍ବାଚନରେ ସେ ୭୦.୪ ପ୍ରତିଶତ ରୁ ଅଧିକ ଭୋଟ୍ ପାଇଥିଲେ । ଏକ ଦଶନ୍ଧିରୁ ଅଧିକ ସମୟ ପରେ ଅନୁଷ୍ଠିତ ରାଷ୍ଟ୍ରପତି ନିର୍ବାଚନରେ ଲୋକମାନେ ବହୁ ସଂଖ୍ୟାରେ ମତଦାନ କରିଥିଲେ । ଏକ ତ୍ରିକୋଣୀୟ ମୁକାବିଲାରେ ଥର୍ମନ ଶନମୁଗରତ୍ନମ ନିର୍ବାଚନ ଜିତିଥିଲେ । ସିଙ୍ଗାପୁରର ନବମ ରାଷ୍ଟ୍ରପତି ନିର୍ବାଚନରେ ଥର୍ମନଙ୍କୁ ଛାଡି ଅନ୍ୟ ଦୁଇଜଣ ପ୍ରାର୍ଥୀ ହେଲେ – ସିଙ୍ଗାପୁର ସରକାରୀ ନିବେଶ ନିଗମ (ଜିଆଇସି) ର ପୂର୍ବତନ ମୁଖ୍ୟ ବିନିଯୋଗ ଅଧିକାରୀ ଏନ କୋକ ସୋଙ୍ଗ ଏବଂ ଦେଶର ରାଷ୍ଟ୍ରାୟତ୍ତ ବୀମା ଗୋଷ୍ଠୀ NTUC ଇନକମର ପୂର୍ବତନ ମୁଖ୍ୟ ଟେନ୍ କିନ୍ ଲିଆନ୍ ।