ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ସୁପରଷ୍ଟାର ହ୍ରିତିକ ରୋଶନ ଏବଂ Jr NTR । ଆୟାନ ମୁଖାର୍ଜୀଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ୱାର-୨’କୁ ନେଇ ଏବେଠୁ ଅନେକ ଚର୍ଚ୍ଚା ହେଲାଣିି । ଖୁବ୍ ଶୀଘ୍ର ଫ୍ଲୋରକୁ ଆସିବାକୁ ଯାଉଛି ଫିଲ୍ମ ‘ୱାର-୨’ । ସୂଚନା ଅନୁଯାୟୀ, ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କ ବ୍ଲକବଷ୍ଟର ଚଳଚ୍ଚିତ୍ର ୱାରର ବମ୍ପର ସଫଳତା ପରେ ନିର୍ମାତା ଆଦିତ୍ୟ ଚୋପ୍ରା ଚଳଚ୍ଚିତ୍ରର ଦ୍ୱିତୀୟ ପାର୍ଟ ପ୍ରସ୍ତୁତ କରିଛନ୍ତି। ଏଥର ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନୁହେଁ ବରଂ ଆୟାନ ମୁଖାର୍ଜୀଙ୍କ ଦ୍ୱାରା ପ୍ରସ୍ତୁତ ହେଉଛି ।
ଖବର ମୁତାବକ, ନିର୍ମାତାମାନେ ୨୦୨୫ର ରିପବ୍ଲିକ୍ ଡେ ୱିକେଣ୍ଡ୍ ଫିଲ୍ମ ସୁପରଷ୍ଟାର୍ ହ୍ରିତିକ୍ ରୋଶନ୍ ଏବଂ Jr NTR ଙ୍କ ଆଗାମୀ ଚଳଚ୍ଚିତ୍ର ‘ୱାର-୨’ ପାଇଁ ନଜର ରଖିଛନ୍ତି । ‘ରିପବ୍ଲିକ୍ ଡେ ୱିକେଣ୍ଡ୍ ସବୁବେଳେ ହିନ୍ଦୀ ଚଳଚ୍ଚିତ୍ର ଶିଳ୍ପ ପାଇଁ ବିପୁଳ ମାତ୍ରାରେ ଅର୍ଥ ରୋଜଗାର କରିଥାଏ । ସେଥିପାଇଁ ହ୍ରିତିକ ରୋଶନ ଏବଂ ୟଶ ରାଜଙ୍କ ଫିଲ୍ମ ବଡ଼ ଆକାରରେ ରୋଜଗାର କରିବ ବୋଲି ଆଶା କରାଯାଉଛି ।
ଅନ୍ୟପଟେ ହ୍ରିତିକ୍ ରୋଶନଙ୍କ ପରବର୍ତ୍ତୀ ଚଳଚ୍ଚିତ୍ର ଫାଇଟର୍ ମଧ୍ୟ ୨୦୨୪ରେ ରିପବ୍ଲିକ୍ ଡେ ୱିକେଣ୍ଡରେ ରିଲିଜ୍ ହେବବୋଲି କୁହାଯାଉଛି । ହେଲେ ଏପର୍ଯ୍ୟନ୍ତ ଏହାର ସଠିକ ତାରିଖ ଘୋଷଣା ହୋଇନାହିଁ । ନଭେମ୍ବର ମାସରେ ଫିଲ୍ମଟି ଫ୍ଲୋରକୁ ଆସିବା ପରେ ହିଁ ଏହାର ପ୍ରକୃତ ରିଲିଜ୍ ତାରିଖ ନିଶ୍ଚିତ ହେବ ବୋଲି ଆଶା କରାଯାଉଛି ।
