ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ ସୁପରଷ୍ଟାର ପ୍ରଭାସଙ୍କ ଫିଲ୍ମ ‘ସାଲାର’ । ଏହି ଫିଲ୍ମର ରିଲିଜ୍ ଡେଟ୍ କୁ ନେଇ ଫ୍ୟାନ୍ସମାନେ ବହୁ ଉସô୍ାହର ସହ ଅପେକ୍ଷାରେ ଥିଲେ । ହେଲେ ‘ସାଲାର’ ଫ୍ୟାନ୍ସ ମାନଙ୍କୁ ନିରାଶ କରିଛି । ଏହି ଫିଲ୍ମ ଅଗଷ୍ଟରେ ରିଲିଜ ହେବାର ଥିଲା ହେଲେ ପରବର୍ତ୍ତୀ ମୂହୁତ୍ତରେ ୨୮ ସେପ୍ଟେମ୍ବରରେ ରିଲିଜ୍ ହେବ ବୋଲି କୁହାଯାଉଥିଲା । କିନ୍ତୁ ବର୍ତ୍ତମାନ ରିପୋର୍ଟ ଅନୁଯାୟୀ, ଫିଲ୍ମ ୨୮ ସେପ୍ଟେମ୍ବରରେ ମଧ୍ୟ ରିଲିଜ୍ ହେବ ନାହିଁ। ଫିଲ୍ମ କେବେ ରିଲିଜ ହେବ ସେନେଇ କୌଣସି ନିସ୍ଚିତକରଣ କରାଯାଇ ନାହିଁ । ଅନ୍ୟପଟେ, ଫିଲ୍ମ ଆଦିପୁରୁଷ ଫ୍ଲପ୍ ହେବା ପରେ ପ୍ରଭାସ ବହୁତ ସତର୍କତା ଅବଲମ୍ବନ କରୁଛନ୍ତି । ତେଣୁ ଫିଲ୍ମର ରିଲିଜ୍ ତାରିଖକୁ ଆହୁରି ଘୁଞ୍ଚାଇ ଦିଆଯାଇଛି । ସେପଟେ, ଫିଲ୍ମର ଟ୍ରେଲର ବିଷୟରେ ଲୋକଙ୍କ ଆଗ୍ରହ ଦିନକୁ ଦିନ ବଢିବାରେ ଲାଗିଛି । ଏପଟେ କୁହାଯାଉଛି ଯେ, ଡିସେମ୍ବର ମାସରେ ‘ସାଲାର’ ମୁକ୍ତିଲାଭ କରିବ । ହେଲେ ତାହା ଏପର୍ଯ୍ୟନ୍ତ ସ୍ପଟ ହୋଇନାହିଁ ।
ଅନ୍ୟପଟେ ‘ସାଲାର’ ରିଲିଜ୍ ନହେବା ପଛରେ ଅନେକ କାରଣ ରହିଛି । ଶୁଣିବାକୁ ମିଳୁଛି ଯେ, ପୋଷ୍ଟ ପ୍ରଡକ୍ସନ କାର୍ୟ୍ୟ ବାକି ଅଛି ତେଣୁ ରିଲିଜ୍ ଡେଟକୁ ଘୁଞ୍ଚାଇ ଦିଆଯାଉଛି । ସେପଟେ ଅନେକ ଲୋକ କହୁଛନ୍ତି ଯେ, ଶାହାରୁଖ ଖାନଙ୍କ ଜୱାନ କାରଣରୁ ପ୍ରଭାସ ତାଙ୍କ ଫିଲ୍ମ ରିଲିଜକୁ ସ୍ଥଗିତ ରଖିଛନ୍ତି। କାରଣ ‘ସାଲାର’ ଚଳଚ୍ଚିତ୍ର ବଡ ବଜେଟରେ ପ୍ରସ୍ତୁତ ହେଉଛି । ତେଣୁ ‘ସାଲାର’କୁ ୬୦୦ କୋଟିରୁ ଅଧିକ ରୋଜଗାର କରିବାକୁ ପଡ଼ିବ । ତେବେ ବର୍ତ୍ତମାନ ସାଲାର ରିଲିଜ୍ ତାରିଖ ସନ୍ଦେହ ଘେରରେ ରହିଛି । ଏହି ଫିଲ୍ମ ଚଳିତ ବର୍ଷ ଡିସେମ୍ବରରେ କିମ୍ବା ଆସନ୍ତା ବର୍ଷ ଜାନୁଆରୀରେ ମୁକ୍ତିଲାଭ କରିବ ବୋଲି କୁହାଯାଉଛି ।
