ଇସ୍ରୋର ସୂର୍ଯ୍ୟ ମିଶନ: ସଫଳତା ପାଇଁ କୋଣାର୍କରେ ପୂଜାର୍ଚ୍ଚନା କଲେ ସାଧୁସନ୍ଥ

ଓଡ଼ିଶା 365 (ବ୍ୟୁରୋ): ଆଉ କିଛି ସମୟ ପରେ ସୂର୍ଯ୍ୟ ଅଭିମୁଖେ ଯାତ୍ରା ଆରମ୍ଭ କରିବ ଇସ୍ରୋର ଆଦିତ୍ୟ L1 । ୧୫ଲକ୍ଷ କିଲୋମିଟର ଦୂରରେ ଥିବା L-1 ପଏଣ୍ଟରେ ପହଞ୍ଚିବାକୁ ଆଦିତ୍ୟ L1କୁ ଶହେରୁ ୧୨୦ ଦିନ ସମୟ ଲାଗିବ । ଏନେଇ ଗତକାଲି ଇସ୍ରୋର ବୈଜ୍ଞାନିକମାନେ ତିରୁପତି ଯାଇ ଦର୍ଶନ କରିଛନ୍ତି । ଏହି କ୍ରମରେ ଆଜି ଭାରତର ଏହି ସୂର୍ଯ୍ୟ ମିଶନ ପାଇଁ ଅର୍କକ୍ଷେତ୍ର କୋଣାର୍କରେ ପୂଜାର୍ଚ୍ଚନା ହୋଇଛି। କୋଣାର୍କର ଚନ୍ଦ୍ରଭାଗା ସମୁଦ୍ର କୂଳରେ ସୋଲାର୍ ମିଶନର ସଫଳତା ପାଇଁ ସାଧୁସନ୍ଥମାନେ ସୂର୍ଯ୍ୟ ପୂଜା କରିଛନ୍ତି । ଆଜି ସକାଳୁ ସ୍ଥାନୀୟ ଅଞ୍ଚଳର ଗାୟତ୍ରୀ ପରିବାର ଓ ସାଧୁସନ୍ଥ ଗାୟତ୍ରୀ ମନ୍ତ୍ରରେ ସୂର୍ଯ୍ୟ ପୂଜା ସହ ସୂର୍ଯ୍ୟ ଉପାସନା କରିଛନ୍ତି ।

ସୂଚନାଯୋଗ୍ୟ, ଇସ୍ରୋର ମିଶନ ସୂର୍ଯ୍ୟ ପାଇଁ କାଉଣ୍ଟଡାଉନ ସରିଛି। ଆଜି ଦିନ ୧୧ଟା ୫୦ ମିନିଟରେ ସୂର୍ଯ୍ୟ ଅଭିମୁଖେ ଯାତ୍ରା ଆରମ୍ଭ କରିବ ଆଦିତ୍ୟ L1 ୧୫ଲକ୍ଷ କିଲୋମିଟର ଦୂରରେ ଥିବା L-1 ପଏଣ୍ଟରେ ପହଞ୍ଚିବାକୁ ଆଦିତ୍ୟ L1କୁ ଶହେରୁ ୧୨୦ ଦିନ ସମୟ ଲାଗିବ ।