ପୁରୀ ପେଣ୍ଠକଟାରେ ବୋମା ବିସ୍ଫୋରଣ

ଓଡ଼ିଶା 365 (ବ୍ୟୁରୋ): ପୁରୀ ପେଣ୍ଠକଟା ପେଟ୍ରୋଲ ପମ୍ପ ନିକଟରେ ଭୟଙ୍କର ବୋମା ବିସ୍ଫୋରଣ । ପେଟ୍ରୋଲ ପମ୍ପ ପଛରେ ଥିବା ଏକ ମାଛ ଧରା ଡଙ୍ଗାରେ ବୋମା ବିସ୍ଫୋରଣ ହୋଇଛି। ଏଥିରେ ଏକ କୁକୁରର ମୃତ୍ୟୁ ହୋରଇଛି। କେହି ଦୁର୍ବୁତ୍ତ ଡଙ୍ଗାରେ ବମ୍ ଖଞ୍ଜିଥିଲେ। ମାତ୍ର କୁକୁରଟି ବୋମାକୁ ଗିଳିଦେବା ଫଳରେ ବୋଲାଟି ବିସ୍ଫୋରଣ କରିଥିଲା। ଏହାପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।

ସୂଚନାଅନୁଯାୟୀ, ଶନିବାର ସକାଳେ ପୁରୀ ପେଣ୍ଠକଟା ପେଟ୍ରୋଲ ପମ୍ପ ପଛ ପଟେ ହଠାତ୍‌ ଏକ ଶକ୍ତିଶାଳୀ ବିସ୍ଫୋରଣ ହୋଇଥିଲା । ଯାହାଫଳରେ ପାଖରେ ଥିବା ଡଙ୍ଗାଟି ସଂପୂର୍ଣ୍ଣ ଭାଙ୍ଗି ନଷ୍ଟ ହୋଇଯାଇଛି । ଏହାବ୍ୟତୀତ ଏକ ବୁଲା କୁକୁରର ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ବିସ୍ଫୋରଣ ପରେ କୁକୁର ସହ ଡଙ୍ଗାର ଭଗ୍ନ ଅଂଶ ୨ ମିଟର ଯାଏଁ ପଡିଥିବା ଦେଖିବାକୁ ମିଳିଛି । ସ୍ଥାନୀୟ ଲୋକେ ପୁରା ଭୟଭୀତ ଅବସ୍ଥାରେ ରହିଛି । ଏହି ସ୍ଥାନକୁ ବୋମା କିପରି ଆସିଲା, ସେନେଇ ଛାନ୍‌ଭିନ୍‌ ଜାରି ରହିଛି । କେହି ଦୁର୍ବୁତ୍ତ ବୋମା ଲୁଚାଇ ରଖିଥିବା ସନ୍ଦେହ କରାଯାଉଛି ।ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ୍ କରୁଛି।