ଓଡ଼ିଶା 365 (ବ୍ୟୁରୋ): ରାଜ୍ୟରେ ଗଞ୍ଜେଇ ଚାଲଣରେ ଲାଗୁନି ରୋକ୍। ପ୍ରତ୍ୟେକ ଦିନ ବିଭିନ୍ନ ସ୍ଥାନରୁ ଗଞ୍ଜେଇ ଜବତ ହେଉଥିବାର ଖବର ଆସୁଛି। ଏହି କ୍ରମରେ ଲମତାପୁଟ ପୋଲିସକୁ ମିଳିଛି ବଡ଼ ସଫଳତା । ୨୫ କେଜି ଗଞ୍ଜେଇ ବୋଝେଇ କାର୍ ସହ ୨ ଅନ୍ତରାଜ୍ୟ ମାଫିଆଙ୍କୁ ଗିରଫ କରିଛି ପୋଲିସ । ତେବେ ଗିରଫ ଦୁଇ ଜଣ ବାରଣାସୀ ଅଞ୍ଚଳର ବୀର ବାହାଦୂର ସିଂ ଏବଂ ସୌଥବ ସିଂ ବୋଲି ଜଣାପଡିଛି । ଏହାସହ ଏହି ଘଟଣାରେ ଆଉ କିଏ କିଏ ସାମିଲ ଅଞ୍ଚନ୍ତି । ସେନେଇ ଛାନ୍ଭିନ୍ କରୁଛି ଲମତାପୁଟ ପୋଲିସ ।
ସୂଚନାଯୋଗ୍ୟ, ଗତକାଲି ଜଲାପୁଟ ଅଞ୍ଚଳରୁ ବାଣରାଶିକୁ ହେଉଥିଲା ଗଞ୍ଜେଇ ଚାଲଣ । ପୋଲିସ ଜଲାପୁଟ ଅଭିମୁଖେ ଯାଉଥିବା ବେଳେ ଆଶାକିରଣ ହସ୍ପିଟାଲ ନିକଟରେ ଗଞ୍ଜେଇ ବୋଝେଇ କାରକୁ ଅଟକାଇବାକୁ ଚେଷ୍ଟା କରିଥିଲା l କିନ୍ତୁ କାରଟି ପଛକୁ ପଛ ଯାଉଥିବା ଦେଖି ପୋଲିସ କର୍ମଚାରି ପିଛା କରିବା ଆରମ୍ଭ କରିଥିଲେ । ଡ୍ରାଇଭର ଜଣଙ୍କ କାର୍ରୁ ଓହ୍ଲାଇ ଫେରାର ହେବାକୁ ଚେଷ୍ଟା କରିଥିଲେ । ସେପଟେ ମାଫିଆମାନେ କାର୍ ସହାୟତାରେ ଚାରି ଜଣ ପୋଲିସ କର୍ମଚାରୀଙ୍କ ଉପରକୁ ଗାଡି ଚଢାଇବାକୁ ଉଦ୍ୟମ କରିଥିଲେ । କିନ୍ତୁ ପୋଲିସ ଗାଡି ଅଳ୍ପକେ ଏହି ଦୁର୍ଘଟଣାରୁ ବର୍ତ୍ତି ଯାଇଥିଲେ । ତଥାପି କାର୍ର ପିଛା କରିଥିଲା ପୋଲିସ ଗାଡି । ଶେଷରେ ଲିମାପୁଟ ଗାଁ ନିକଟରେ ମାଫିଆଙ୍କ ଗାଡିକୁ ଅଟକାଇବାରେ ସଫଳ ହୋଇଥିଲା ପୋଲିସ ।
