ଓଡ଼ିଶା 365 (ବ୍ୟୁରୋ): ଦର୍ଶକଙ୍କ ହୃଦୟ ଜିତିଗଲେ ଆୟୁଷ୍ମାନ ଖୁରାନା । ସିନେମା ହଲ୍ରେ ଗଦର-୨, ଓ ମାଇଁ ଗଡ୍-୨ ଧମାଲ କରୁଥିବା ବେଳେ ଏବେ ‘ଡ୍ରିମ୍ ଗାର୍ଲ-୨ ବି ଦର୍ଶକଙ୍କୁ ବେଶ୍ ଝୁମାଉଛି । ଆୟୁଷ୍ମାନ ଖୁରାନା-ଅନନ୍ୟା ପାଣ୍ଡେଙ୍କ ଅଭିନିତ ଫିଲ୍ମ ଡ୍ରିମ ଗାର୍ଲ-୨ ଖୁବ୍ଶୀଘ୍ର ୧୦୦ କୋଟି କ୍ଲବ୍ରେ ସାମିଲ୍ ହେବାକୁ ଯାଉଛି । ଏହି ଫିଲ୍ମ ରିଲିଜ୍ ହେବାର ମାତ୍ର ୬ ଦିନରେ ୫୦ କୋଟି ଆୟ କରିଥିବା ସୂଚନା ମିଳିଛି ।
ସାକନିଲ୍କର ରିପୋର୍ଟ ଅନୁଯାୟୀ, ଫିଲ୍ମ ୭ ଦିନ ମଧ୍ୟରେ ୬୬.୦୦ କୋଟି ବ୍ୟବସାୟ କରିଛି। ରିଲିଜ୍ର ପ୍ରଥମଦିନ ଅର୍ଥାତ୍ ଶୁକ୍ରବାର ଦିନ, ଫିଲ୍ମ ୧୦.୬୯ କୋଟି ବ୍ୟବସାୟ କରିଥିଲା। ଶନିବାର ଦ୍ୱିତୀୟ ଦିନରେ ୧୪.୦୨ କୋଟି, ତୃତୀୟ ଦିନରେ ୧୬ କୋଟି ଓ ସୋମବାର ଚତୁର୍ଥ ଦିନରେ ୫.୪୨ କୋଟି ଟଙ୍କା ବ୍ୟବସାୟ କରିଥିଲା ଫିଲ୍ମ। ମଙ୍ଗଳବାର ପଞ୍ଚମ ଦିନରେ ଏହି ଫିଲ୍ମ ୫.୮୭ କୋଟି ଟଙ୍କା ଆୟ କରିଛି । ସେହିପରି ଷଷ୍ଠ ଦିନରେ ଅର୍ଥାତ୍ ବୁଧବାର ଦିନ ଫିଲ୍ମ ଆୟ ବଢ଼ି ଦିନକରେ ୭ କୋଟି ଟଙ୍କା ସଂଗ୍ରହ କରିଥିଲା। ସପ୍ତମ ଦିନରେ ୬.୫୦ କୋଟି ଟଙ୍କା ବ୍ୟବସାୟ କରି ମୋଟ ୬୬ କୋଟି ଟଙ୍କା ରୋଜଗାର କରିଛି ଆୟୁଷ୍ମାନ ଖୁରାନାଙ୍କ ଡ୍ରିମ ଗାର୍ଲ-୨।
ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଅନନ୍ୟା ପାଣ୍ଡେ। ଏହାସହ ପରେଶ ରାୱଲ, ରାଜପାଲ ଯାଦବ, ଅଭିଷେକ ବାନାର୍ଜୀ, ଅନ୍ନୁ କପୁର, ବିଜୟ ରାଜ, ସୀମା ପହୱା ମଧ୍ୟ ମୁଖ୍ୟ ଭୂମିକାରେ ଅଛନ୍ତି।
