ପୁଣି ଜୀବନ ନେଲା କୁମ୍ଭୀର, ବ୍ରାହ୍ମଣୀ ନଦୀ କୂଳରେ ମଇଁଷି ଚରାଳିକୁ ଟାଣିନେଲା

ଓଡ଼ିଶା 365 (ବ୍ୟୁରୋ): ଦିନକୁ ଦିନ ରାଜ୍ୟରେ କୁମ୍ଭୀରଙ୍କ ଦୌରାତ୍ମ୍ୟ ନଦୀକୂଳିଆବାସୀଙ୍କ ନିଦ ହଜେଇସାରିଲାଣି। ଏହି କ୍ରମରେ ଆଜି ପୁଣି ଜୀବନ ନେଲା କୁମ୍ଭୀର। ବ୍ରାହ୍ମଣୀ ନଦୀ କୂଳରେ ମଇଁଷି ଚରାଳିଙ୍କୁ ଟାଣି ନେଲା କୁମ୍ଭୀର । ମଇଁଷି ଚରାଉଥିବା ବେଳେ ରାଜପୁର ଗାଁର ଭାସ୍କର ରାଉତଙ୍କୁ ଟାଣି ନେଲା କୁମ୍ଭୀର । ପୂର୍ବରୁ ୨ ମାସ ମଧ୍ୟରେ ୪ ଜଣଙ୍କୁ ଟାଣି ନେଇଛି କୁମ୍ଭୀର । ଗ୍ରାମବାସୀଙ୍କ ଦ୍ବାରା ଖୋଜା ଖୋଜି ଜାରି ।

ସୂଚନାଯୋଗ୍ୟ, କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକରେ ଅଭାବନୀୟ ଘଟଣା ଘଟିଛି । ସ୍ଥାନୀୟ ଅଞ୍ଚଳର ଭାସ୍କର ରାଉତ ମଇଁଷି ଚରାଉଥିବାବେଲେ ଭିଡି ନେଇଥିଲେ କୁମ୍ଭୀର । ଗତ କିଛିଦିନ ତଳେ ଚାନ୍ଦିବାଉଁସମୂଳ ପଞ୍ଚାୟତ ହାତିଆଗଡ଼ି ଗାଁରେ ପୋଖରୀରୁ ମହିଳାଙ୍କୁ ଟାଣି ନେଇଥିଲା କୁମ୍ଭୀର । ମହିଳା ଜଣଙ୍କ ନିଜ ପୋଖରୀରେ ବାସନ ମାଜୁଥିବା ବେଳେ କୁମ୍ଭୀର ମହିଳାଙ୍କୁ ଟାଣି ନେଇଥିଲା । ଆହୁରି ବି ଜଣେ ନାବାଳକଙ୍କୁ ଭିଡିନେଇଥିଲା କୁମ୍ଭୀର ।