ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ ଫିଲ୍ମ । ଭାରତୀୟମାନେ ଧୀରେ ଧୀରେ ସାଉଥ୍ ମୁହାଁ ହେଉଥିବା ଦେଖିବାକୁ ମିଳୁଛି । ଯାହାର ଉଦାହରଣ ‘ପୁଷ୍ପା’, ‘ଆରଆରଆର’ ଏବଂ ‘ଜେଲର’ କୁ ଭାରତୀୟମାନେ ସେମାନଙ୍କ ଭଲପାଇବା ଦେଇସାରିଛନ୍ତି । ଏମାନଙ୍କ ଜଲୱା ଦେଖିସାରିବା ପରେ ଖୁବଶୀଘ୍ର ପରଦାକୁ ଆସିବାକୁ ଯାଉଛି ସାଉଥ୍ ମେଗାଷ୍ଟାର ନାଗାର୍ଜୁନା ଆକ୍କିନେନିଙ୍କ ନୂଆ ଚଳଚ୍ଚିତ୍ର ‘ନା ସାମି ରଙ୍ଗା’ ।
ସୂଚନା ଅନୁଯାୟୀ, ଏହି ଚଳଚ୍ଚିତ୍ର ଆସନ୍ତା ବର୍ଷ ମକର ସଂକ୍ରାନ୍ତି ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ ଏବଂ ଏହା ସହିତ ରିଲିଜ ହେବାକୁ ଯାଉଛି ମହେଶ ବାବୁଙ୍କ ‘ଗୁଣ୍ଟୁର କରାମ’ । ଏହି ଦୁଇ ଚଳଚ୍ଚିତ୍ର ମଧ୍ୟରେ କଡ଼ା ମୁକାବିଲା ହେବାର ସମ୍ଭାବନା ରହିଛି । ଅନ୍ୟପଟେ ‘ନା ସାମି ରଙ୍ଗା’ର ଟିଜର୍ ରିଲିଜ ହୋଇଛି । ଏଥିରେ ନାଗାର୍ଜୁନ ଲମ୍ବା କେଶ ଏବଂ ଦାଢି ଥିବା ଲୁକରେ ନଜର ଆସିଛନ୍ତି । ଯାହା ଦର୍ଶକମାନଙ୍କୁ ପାଗଳ କରିଛି ।
