ଓଡ଼ିଶା365(ବ୍ୟୁରୋ): ଦକ୍ଷିଣ ଆଫ୍ରିକାର ଜୋହାନେସ୍ବର୍ଗସ୍ଥିତ ଏକ ବହୁ-ତଳ ଆବାସିକ କୋଠାରେ ଭୟାବହ ଅଗ୍ନିକାଣ୍ଡ। ଘଟଣାରେ ପାଖାପାଖି ୬୩ଜଣ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ୪୦ଜଣ ଆହତ ହୋଇଥିବା ଜଣାପଡ଼ିଛି । ଏହି କଥା ମୁନିସ୍ପାଲ୍ ଅଧିକାରୀମାନେ ସୁନିଶ୍ଚିତ କରିଛନ୍ତି। ‘ଇମର୍ଜେନ୍ସି ମ୍ୟାନେଜ୍ମେଣ୍ଟ୍ ସର୍ଭିସେସ୍’ କହିଛି, ନିଆଁ ଲିଭାଯିବା ପରେ ତଲାସ ଓ ଉଦ୍ଧାର ଅଭିଯାନ ଚାଲିଛି। ତେଣୁ, ମୃତ୍ୟୁସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା ରହିଛି। ସରକାରୀ ଅଧିକାରୀମାନେ କହିଛନ୍ତି, ଏହି ଅଗ୍ନିକାଣ୍ଡ ଯୋଗୁଁ ପାଖାପାଖି ୪୩ଜଣ ବ୍ୟକ୍ତି ଆହତ ହୋଇଛନ୍ତି। ଜୋହାନେସ୍ବର୍ଗ ଇମର୍ଜେନ୍ସି ସର୍ଭିସ୍ର ଅଧିକାରୀ ରବର୍ଟ ମୁଲାଉଜି କହିଛନ୍ତି , କୋଠାଟି ଏକ ‘ଅନୌପଚାରିକ ଆଶ୍ରୟସ୍ଥଳ’ ଥିଲା। କୌଣସି ଔପଚାରିକ ‘ଲିଜ୍’ ଚୁକ୍ତିନାମା ନ ଥିବା ଲୋକେ ଆସି ସେଠାରେ ବସବାସ କରୁଥିଲେ। ତେଣୁ, ସେଠାରେ ତଲାସ କାର୍ଯ୍ୟ କରିବା କଷ୍ଟକର। ତେବେ ଅଗ୍ନିକାଣ୍ଡର କାରଣ ଜଣାପଡ଼ିନାହିଁ। ପ୍ରବଳ ଧୂଆଁ ଯୋଗୁଁ କରି ଅସୁସ୍ଥ ହୋଇପଡ଼ିଥିବା କିଛି ଲୋକଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ଆବାସିକ କୋଠାରେ ଅଗ୍ନିକାଣ୍ଡ; ୬୩ ମୃତ
