ଓଡ଼ିଶା 365 (ବ୍ୟୁରୋ): ବର୍ତ୍ତମାନ ସମୟରେ ଛୋଟ ଠାରୁ ବୟସ୍କ ସଭିଙ୍କ ମୁହଁରେ ଗଦର ୨ ର ପ୍ରଶଂସା । ଅଭିନେତା ସନ୍ନି ଦେଓଲଙ୍କ ଫିଲ୍ମ ଗଦର ୨ ୪୬୫କୋଟି ଟଙ୍କା ସଂଗ୍ରହ କରିଥିବାବେଳେ ଖୁବ୍ ଶୀଘ୍ର ୫୦୦ କୋଟି କ୍ଲବରେ ସାମିଲ ହେବାକୁ ଯାଉଛି । ଏହାରି ମଧ୍ୟରେ ସନ୍ନିଙ୍କ ଏକ ବୟାନ ବଲିଉଡରେ ହଇଚଇ ସୃଷ୍ଟି କରୁଛି ।
ନିକଟରେ ଏକ ସାକ୍ଷତକାରରେ ସନ୍ନିଙ୍କୁ କେଉଁ ମହିଳା ଅଭିନେତ୍ରୀଙ୍କ ସହ କାମ କରିବାକୁ ଚାହୁଁଛନ୍ତି ବୋଲି ପଶ୍ନ ପଚରାଯାଇଥିଲା। ସନ୍ନି ଦେଓଲ ଉତ୍ତରରେ କହିଥିଲେ ଯେ, ଆଲିଆ ଭଟ୍ଟ । ସେ କହିଥିଲେ ଯେ, ଆଲିଆଙ୍କ ବିପକ୍ଷରେ ଯେକୌଣସି ଭୂମିକା ହେଲେ ଚଳିବ । ମୁଁ ଆଲିଆଙ୍କୁ ବହୁତ ପସନ୍ଦ କରେ । ତାଙ୍କ ସହିତ ଫିଲ୍ମ କରିବା ଅତ୍ୟନ୍ତ ମଜାଦାର ହେବ । ମୁଁ ଏହା କହୁ ନାହିଁ ଯେ ବିପରୀତ ଭୂମିକା ହିରୋ ଏବଂ ହିରୋଇନ୍ ପରି ହେବା ଉଚିତ୍। ବରଂ ମୁଁ କହୁଛି ଯେ କୌଣସି ପ୍ରକାରର ଭୂମିକା ହେଲେ ବି ମୁଁ ଖୁସି । ଏହା ପିତା ଏବଂ ଝିଅ ପରି ହେଲେ ବହୁତ ଭଲହେବ ।
ଅନ୍ୟପଟେ, ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ଗାଙ୍ଗୁବାଇ କାଠିଆୱାଡିରେ ମୁଖ୍ୟ ଭୂମିକା ପାଇଁ ଆଲିଆ ଭଟ୍ଟ ଶ୍ରେଷ୍ଠ ଅଭିନେତ୍ରୀ ଭାବେ ୬୯ ତମ ଜାତୀୟ ପୁରସ୍କାର ପାଇଛନ୍ତି । ଏହାକୁ ନେଇ ସନ୍ନି କହିଛନ୍ତି ଯେ, ଏହା ତାଙ୍କ ପାଇଁ ବହୁତ ଭଲ, ସେ ଏହାର ଯୋଗ୍ୟ।
