ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ଲୋକପ୍ରିୟ ରିଆଲିଟି ଶୋ ବିଗବସ୍ । ଏଥିରେ ନଜର ଆସିବେ ବଲିଉଡର ଭାଇଜାନ ସଲମାନ୍ ଖାନ୍ । ସେପଟେ ବିଗବସ୍-୧୭ ପାଇଁ ଏବେଠୁ ପ୍ରସ୍ତୁତି ଆରମ୍ଭ ହୋଇଗଲାଣି । ହେଲେ ବିଗବସରେ ଏଥର ଖାସ୍ ପ୍ରତିଯୋଗୀ ମାନଙ୍କୁ ଦେଖିବାକୁ ମିଳିବ, ଯାହାକୁ ନେଇ ଜୋରଦାର ଚର୍ଚ୍ଚା ହେଉଛି ।
ସୂଚନା ଅନୁଯାୟୀ, ପାକିସ୍ତାନରୁ ନିଜ ପ୍ରେମିକ ସଚିନଙ୍କ ପାଖକୁ ଧାଇଁ ଆସିଥିବା ସୀମା ହାଇଦରଙ୍କୁ ଏଥର ‘ବିଗ୍ବସ୍’ରେ ଦେଖିବାକୁ ମିଳିବ । ତାଙ୍କ ସହ ପ୍ରେମିକ ସଚିନ ମଧ୍ୟ ‘ବିଗ୍ବସ୍’ ସିଜନ୍ ୧୭ ପାଇଁ ପ୍ରତିଯୋଗୀ ତାଲିକାରେ ସ୍ଥାନ ପାଇଛନ୍ତି ।
ଏହି ସୋ’ର ଫର୍ମାଟ୍ ଅନୁଯାୟୀ ବିବାଦର ସମ୍ମୁଖୀନ ହୋଇଥିବା ପ୍ରତିଯୋଗୀମାନେ ଏଥିରେ ନଜର ଆସନ୍ତି। ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ଏଥର ସୀମା ହାଇଦର ସୋ’କୁ ଆସିବାକୁ ଯାଉଛନ୍ତି ଏବଂ ସେ ଏକୁଟିଆ ଆସିବେ ନାହିଁ ବରଂ ଯେଉଁ ବ୍ୟକ୍ତିଙ୍କ ପାଇଁ ସେ ପାକିସ୍ତାନ ଛାଡିଛନ୍ତି, ତାଙ୍କ ସହ ହିଁ ନଜର ଆସିବେ। ହେଲେ ଏ ସମ୍ପର୍କରେ କୌଣସି ଆନୁଷ୍ଠାନିକ ଘୋଷଣା କରାଯାଇ ନାହିଁ।
