ଓଡ଼ିଶା 365 (ବ୍ୟୁରୋ) : ଅଣ୍ଡା ଏପରି ଜିନିଷ, ଯାହାକୁ ଅଧିକାଂଶ ଲୋକ ଖାଇବାକୁ ପସନ୍ଦ କରନ୍ତି । ଆପଣ ଜାଣନ୍ତି କି ଅଧିକ ଅଣ୍ଡା ଖାଇବା ଦ୍ୱାରା ଡାଇବେଟିସ୍ ହେବାର ଆଶଙ୍କା ବଢ଼ିଥାଏ । ଅନୁସନ୍ଧାନକାରୀଙ୍କ ଅନୁଯାୟୀ, ଏପରି ବ୍ୟକ୍ତି ଯେଉଁମାନେ ପ୍ରତିଦିନ ଗୋଟିଏ କିମ୍ବା ଅଧିକ ଅଣ୍ଡା ଖାଉଛନ୍ତି ଅର୍ଥାତ୍ ପ୍ରାୟ ୫୦ ଗ୍ରାମ ସହିତ ସମାନ, ସେମାନଙ୍କୁ ଡାଇବେଟିସ୍ ହେବାର ଆଶଙ୍କା ୬୦ ପ୍ରତିଶତ ପର୍ଯ୍ୟନ୍ତ ବଢ଼ିପାରେ । ମହିଳାଙ୍କ ଉପରେ ଏହାର ପ୍ରଭାବ ପୁରୁଷଙ୍କ ଅପେକ୍ଷା ଅଧିକ ଦେଖାଯାଇଥାଏ । ୨୦୦୯ ମସିହାରେ ଅଷ୍ଟ୍ରେଲିଆ ବିଶ୍ୱବିଦ୍ୟାଳୟ ଏବଂ କାତାର ବିଶ୍ୱବିଦ୍ୟାଳୟ ହୋଇଥିବା ରିସର୍ଜରୁ ଜଣାପଡିଛି ।ଏହି ଅଧୟନରେ ବହୁ ସଂଖ୍ୟକ ବୟସ୍କ ବ୍ୟକ୍ତି ଜଡିତ ଥିଲେ ।
ଏପିଡେମୋଲୋଜିଷ୍ଟ ତଥା ଜନସ୍ୱାସ୍ଥ୍ୟ ବିଶେଷଜ୍ଞ ମିଙ୍ଗଲି କହିଛନ୍ତି ଯେ, ଯଦି ଆପଣଙ୍କର ଟାଇପ୍-୨ ମଧୁମେହ ଅଛି, ତେବେ ଡାଏଟ୍ ଏଥିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ, ତେଣୁ କେଉଁ ଖାଦ୍ୟ ପଦାର୍ଥ ଏହି ରୋଗ ହେବାର ସମ୍ଭାବନା ବଢ଼ାଇଥାଏ ତାହା ବୁଝିବା ଜରୁରୀ ।
ବୈଜ୍ଞାନିକଙ୍କ କହିବା ମୁତାବକ ଖାଦ୍ୟରେ ଶସ୍ୟ ଏବଂ ପନିପରିବାକୁ ଛାଡି ପ୍ରକ୍ରିୟାକୃତ ଡାଏଟ୍, ଖାଦ୍ୟରେ ଅଧିକ ପରିମାଣର ଶାକାହାରୀ ଜିନିଷ, ସ୍ନାକ୍ସ ଏବଂ ଏନର୍ଜି ଥିବା ସାମଗ୍ରୀ ଖାଇବା ଦ୍ୱାରା ଡାଇବେଟିସ୍ ହେବାର ଆଶଙ୍କା ବଢ଼ିଥାଏ । ଏହିସବୁ ଜିନିଷ ସହିତ ଆଜିକାଲି ମଧ୍ୟ ଅଣ୍ଡାର ବ୍ୟବହାର ବୃଦ୍ଧି ପାଇଛି, ଯାହା ଡାଇବେଟିସ୍ ହେବାର ଆଶଙ୍କା ବଢ଼ାଇଥାଏ । ଚାଇନାରେ କରାଯାଇଥିବା ଏହି ସର୍ଭେ ଅନୁଯାୟୀ ଗତ ଦଶନ୍ଧିରେ ଅଣ୍ଡା ଖାଉଥିବା ଲୋକଙ୍କ ସଂଖ୍ୟା ଦ୍ୱିଗୁଣିତ ହୋଇଛି । ଏହି ଅଧ୍ୟୟନ ବ୍ରିଟିଶ ଜର୍ଣ୍ଣାଲ ଅଫ ନ୍ୟୁଟ୍ରିସନରେ ପ୍ରକାଶିତ ହୋଇଛି ।
ଯେଉଁମାନେ ଦିନକୁ ପ୍ରାୟ ୩୮ ଗ୍ରାମରୁ ଅଧିକ ଅଣ୍ଡା ଖାଉଛନ୍ତି ସେମାନଙ୍କର ମଧୁମେହ ହେବାର ଆଶଙ୍କା ୨୫ ପ୍ରତିଶତ ବୃଦ୍ଧି ପାଇଛି । ଅନ୍ୟପକ୍ଷରେ, ଯେଉଁମାନେ ୫୦ ଗ୍ରାମରୁ ଅଧିକ ଅଣ୍ଡା ଖାଉଛନ୍ତି କିମ୍ବା ଦିନକୁ ଗୋଟିଏ କିମ୍ବା ଅଧିକ ଅଣ୍ଡା ଖାଉଛନ୍ତି, ସେମାନଙ୍କ ଠାରେ ମଧୁମେହ ହେବାର ଆଶଙ୍କା ୬୦ ପ୍ରତିଶତ ବୃଦ୍ଧି ପାଇଛି । ଏହି ଫଳାଫଳ ଅନୁଯାୟୀ, ଅଣ୍ଡାର ଅଧିକ ବ୍ୟବହାର ହେଲେ ମଧୁମେହ ହେବାର ଆଶଙ୍କା ବହୁ ମାତ୍ରାରେ ବଢ଼ିପାରେ ।
