ଓଡ଼ିଶା 365 (ବ୍ୟୁରୋ): ପିଲ୍ମ ସୁଟିଂ ବେଳେ ଅଘଟଣ । ଷ୍ଟଣ୍ଟ ମାରିବା ବେଳେ କାଠଯୋଡ଼ି ବୁଡ଼ିଗଲେ ଓଡ଼ିଆ ହିରୋ। ଏଖ ପିଲ୍ମ ପାଇଁ ଷ୍ଟଣ୍ଟ ସୁଟିଂ ବେଳେ ଏହି ଅଘଟଣ ଘଟିଛି। ସୁଟିଂ ବେଳେ ବଡ଼ ବିପଦରୁ ବର୍ତ୍ତି ଯାଇଛନ୍ତି ନାୟକ ଶ୍ରେୟାନ ଓ ନାୟିକା ଭୁମିକା। ନରାଜ ପାଖାପାଖି ଏକ ବ୍ରିଜ ଉପରେ ନଦୀକୁ ଡେଇଁବାର ଦୃଶ୍ୟର ସୁଟିଂ ଚାଲିଥିଲା। ପ୍ରଖର ସ୍ରୋତରେ ପଡି ଯାଇଥିଲେ ଶ୍ରେୟାନ। କ୍ରିଉ ମେମ୍ବର ପାଣିକୁ ଡେଇଁ ଉଭୟଙ୍କୁ ଉଦ୍ଧାର କରିଛନ୍ତି ।
ସୂଚନା ଅନୁସାରେ, ଗତକାଲି କଟକର କାଠଯୋଡ଼ି ଠାରେ ଏକ ଷ୍ଟଣ୍ଟ ସିନ ସୁଟିଂ ପାଣି ଭିତରେ। ନଈରେ ପ୍ରଖର ସୁଅ ହେତୁ ଭାସି ଯାଇଥିଲେ ନାୟକ ଶ୍ରେୟାନ। ହେଲେ ସେ ସାହସର ସହିତ ପହଁରି ପହଁରି ଆସି କୂଳରେ ଲାଗିଥିଲେ। ପରେ ଅନ୍ୟ ଲୋକମାନେ ତାଙ୍କୁ ସହଯୋଗ କରି ଡାକ୍ତରଖାନା ନେଇଯାଇଥିଲେ। ସେହିପରି ନାୟିକା ଭୂମିକା ମଧ୍ୟ ଏକ ଦୁର୍ଘଟଣାର ସାମ୍ନା କରିଥିଲେ ଯେଉଁଥିରେ ତାଙ୍କ ଗୋଡ଼ରେ ଆଘାତ ଲାଗିଥିଲା।
