ଆଜି ପବିତ୍ର ରକ୍ଷା ବନ୍ଧନ,  ଭାଇ ହାତରେ ରାଖି ବାନ୍ଧୁଛନ୍ତି ଭଉଣୀ

ଓଡ଼ିଶା 365 (ବ୍ୟୁରୋ): ଆଜି ପବିତ୍ର ଭାଇ ଓ ଭଉଣୀଙ୍କ ପବିତ୍ର ଡୋରର ବନ୍ଧନ ରକ୍ଷା ବନ୍ଧନ । ଏଥିପାଇଁ ଚଳଚନ୍ଧଳ ଗାଁ ଠୁ ସହର। ସବୁଠି ଭାଇ ହାତରେ ରାଖି ବାନ୍ଧୁଛନ୍ତି ଭଉଣୀ । ତେବେ  ରାଖି ବାନ୍ଧିବାର ଶୁଭ ମୁହୂର୍ତ୍ତକୁ ନେଇ ପୂର୍ବରୁ ଦ୍ୱନ୍ଦ୍ୱ ଲାଗିଥିଲା ଦିନ ୧୧ଟା ୨୨ ପରେ ରାଖି ବାନ୍ଧିବେ ବୋଲି ଜ୍ୟୋତିଷ ବିଷାରଦମାନେ କହିଛନ୍ତି । ଶାସ୍ତ୍ରବିଦଙ୍କ କହିବା ଅନୁଯାୟୀ, ଆଜି ଦିନ ୧୧ଟା ୨୨ରୁ ଆସନ୍ତାକାଲି ସକାଳ ୭ଟା ୫୯ ପର୍ଯ୍ୟନ୍ତ ରହିଛି ପୂର୍ଣ୍ଣିମା ।

ତେବେ ଭଦ୍ରାକାଳ ଲାଗିଥିବାରୁ ମାଙ୍ଗଳିକ କାର୍ଯ୍ୟ ହେବ ନାହିଁ । ତେଣୁ ୩୧ ତାରିଖ ରାକ୍ଷୀ ପୂର୍ଣ୍ଣିମା ପାଳନ ପାଇଁ ବିଶାରଦମାନେ ମତ ରଖିଛନ୍ତି । ତେବେ ଜ୍ୟୋତିର୍ବିଦଙ୍କ କହିବା ଅନୁଯାୟୀ, ଓଡ଼ିଶାର ଉପକୂଳ ଜିଲ୍ଳାରେ ଜଗନ୍ନାଥ ପାଞ୍ଜି ଅନୁସାରେ, ମାଙ୍ଗଳିକ କାମ ହେଉଥିବାରୁ ଆଜି ରାକ୍ଷୀ ପୂର୍ଣ୍ଣମୀରେ ଦିନଯାକ ଭାଇ ହାତରେ ଭଉଣୀ ରାକ୍ଷୀ ବାନ୍ଧିପାରିବେ । ଗହ୍ମାପୂର୍ଣ୍ଣମୀ ଏବଂ ବଳଭଦ୍ର ଜନ୍ମ ଉତ୍ସବ ମଧ୍ୟ ପାଳନ କରାଯାଇପାରିବ । ତେବେ ଉକ୍ରଳରେ ଦିନେ ଏବଂ ଶ୍ରୀମନ୍ଦିରରେ ଦିନେ ରକ୍ଷାବନ୍ଧନ ପାଳନ ହେଉଥିବାରୁ ଗୁରୁବାର ଶ୍ରୀମନ୍ଦିରରେ ରାକ୍ଷୀ ଲାଗି କରାଯିବ ବୋଲି ସ୍ପଷ୍ଟ କରିଛି ମୁକ୍ତିମଣ୍ଡପ ପଣ୍ଡିତ ସଭା ।