ନମସ୍କାର ପୃଥିବୀବାସୀ! ଚନ୍ଦ୍ରପୃଷ୍ଠରୁ ଇସ୍ରୋକୁ ଏଭଳି ମେସେଜ ଦେଲା ପ୍ରଜ୍ଞାନ ରୋଭର

ଓଡ଼ିଶା 365 (ବ୍ୟୁରୋ) : ନମସ୍କାର ପୃଥିବୀବାସୀ! ମୁଁ ଚନ୍ଦ୍ରାଯାନ-୩ ର ପ୍ରଜ୍ଞାନ ରୋଭର କହୁଛି । ଆଶା କରୁଛି ଆପଣ ସମସ୍ତେ ଭଲରେ ଅଛନ୍ତି। ସମସ୍ତଙ୍କୁ ଜଣାଇବାକୁ ଚାହୁଁଛି ଯେ, ମୁଁ ଖୁବଶୀଘ୍ର ଚନ୍ଦ୍ରର ରହସ୍ୟ ଉନ୍ମୋଚନ କରିବାକୁ ଯାଉଛି। ଚନ୍ଦ୍ରପୃଷ୍ଠରୁ ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ)କୁ ଏଭଳି ମେସେଜ ପଠେଇଛି ପ୍ରଜ୍ଞାନ ରୋଭର । ପ୍ରଜ୍ଞାନ ରୋଭର କହିଛି, ଚନ୍ଦ୍ରପୃଷ୍ଠରେ ମୁଁ ଏବଂ ମୋର ବନ୍ଧୁ ବିକ୍ରମ ଲ୍ୟାଣ୍ଡର୍‌ ଯୋଗାଯୋଗରେ ଅଛୁ। ଆମେ ସଠିକ ଭାବେ କାର୍ଯ୍ୟ କରୁଛୁ। ଆଗକୁ ବହୁତ ଶୀଘ୍ର ଭଲ ଖବର ଆସିବାକୁ ଯାଉଛି। ଏହି ଘଟଣାକୁ ଇସ୍ରୋ ଟୁଇଟ କରି ଜଣାଇଛି ।