ଓଡ଼ିଶା 365 (ବ୍ୟୁରୋ): ବଲିଉଡର ହ୍ୟାଣ୍ଡସମ୍ ତଥା ଲୋକପ୍ରିୟ ଗାୟକ ଅରମାନ ମଲିକ୍ । ଯାହାଙ୍କ ସ୍ୱର ଶୁଣି ଅନେକ ଝିଅ ଦିୱାନୀ ହୋଇଛନ୍ତି । ସବୁ ଝିଅ ଚାହାଁନ୍ତି ଅରମାନଙ୍କୁ ନିଜର ଜୀବନସାଥି କରିବା ପାଇଁ, ହେଲେ ଅରମାନ ସବୁ ଝିଅଙ୍କୁ ନିରାଶ କରି, ଦୀର୍ଘ ଦିନର ଗର୍ଲଫ୍ରେଣ୍ଡ ଆଶନା ଶ୍ରଫଙ୍କ ସହ ନିର୍ବନ୍ଧ କରିଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆଶନା ରିଅଲ ଲାଇଫରେ ଜଣେ ୟୁଟ୍ୟୁବର ଏବଂ ବ୍ଲଗର । ଦୁହେଁ ଡ୍ରିମ ଅନ୍ଦାଜରେ ନିର୍ବନ୍ଧ କରିଛନ୍ତି । ଅରମାନ ଏବଂ ଆଶନାଙ୍କ ନିର୍ବନ୍ଧ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସମାନେ ଏହି ଲଭବାର୍ଡଙ୍କୁ ଶୁଭେଚ୍ଛା ଜଣାଇଛନ୍ତି ।
ସେପଟେ ଅରମାନ ମଲିକ ନିଜ ଇନଷ୍ଟାଗ୍ରାମରେ ନିର୍ବନ୍ଧ ଫଟୋ ସେୟାର କରିଛନ୍ତି । ଫଟୋରେ ଅରମାନ ଭାବିପତ୍ନୀ ଆଶନାଙ୍କୁ ଆଣ୍ଠୁରେ ବସି ମୁଦି ପିନ୍ଧାଉଥିବାର ନଜର ଆସିଛନ୍ତି । ଅରମାନଙ୍କ ଏଭଳି ସରପ୍ରାଇଜ ଦେଖି ଆଶନା ଆଶ୍ଚର୍ୟ୍ୟ ମଧ୍ୟ ହୋଇଯାଇଛନ୍ତି । ଆଉ ଏକ ଫଟୋରେ ଆଶନା ନିର୍ବନ୍ଧ ମୁଦି ଶୋ କରୁଛନ୍ତି । ତୃତୀୟ ଫଟୋରେ ଅରମାନ ତାଙ୍କୁ କିସ୍ କରୁଥିବାର ଦେଖିବାକୁ ମିଳିଛି ।ଅରମାନ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ଆମର ଏ ସବୁବେଳର ସାଥ ଏବେ ଠାରୁ ଆରମ୍ଭ । ସେପଟେ ଟାଇଗର ଶ୍ରଫ, ରିୟା ଚକ୍ରବର୍ତ୍ତୀ, ବରୁଣ ଧଓ୍ଵନଙ୍କ ସହିତ ଅନ୍ୟ ସେଲିବ୍ରିଟିମାନେ ମଧ୍ୟ ଅରମାନ- ଆଶନାଙ୍କୁ ଅଭିନନ୍ଦନ ଜଣାଇଛନ୍ତି ।
