ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ୍ ସୁପରଷ୍ଟାର ରଜନୀକାନ୍ତଙ୍କ ଫିଲ୍ମ ‘ଜେଲର’ । ଏହି ଫିଲ୍ମ ରିଲିଜ୍ ହେବାର ୧୮ ଦିନ ପରେ ୬୦୦ କୋଟି କ୍ଲବରେ ‘ଜେଲର’ ସାମିଲ ହୋଇପାରିଛି । ଏହି ଫିଲ୍ମ ୧୦ ଅଗଷ୍ଟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ବଜାର ବିଶ୍ଳେଷକ ମନୋବାଲା ବିଜୟବାଲାନଙ୍କ ଅନୁଯାୟୀ ଏହି ଚଳଚ୍ଚିତ୍ର ସାରା ବିଶ୍ୱରେ ପ୍ରାୟ ୬୦୭.୨୯ କୋଟି ଟଙ୍କା ଆୟ କରିଛି।
ସୂଚନା ଅନୁଯାୟୀ, ଆମ ଦେଶର ସମସ୍ତ ଭାଷାରେ ପ୍ରାୟ ୩୬୧.୫୫ କୋଟି ଟଙ୍କା ସଂଗ୍ରହ କରିଛି ଫିଲ୍ମ ‘ଜେଲର’ । ଏହି ଚଳଚ୍ଚିତ୍ର ବିଦେଶରେ ପ୍ରାୟ ୧୮୫ କୋଟିର ରୋଜଗାର କରିଛି । ମୁକ୍ତିଲାଭ ପରେ ତୃତୀୟ ରବିବାର ଦିନ ଜେଲର ଦେଶରେ ପ୍ରାୟ ୭.୫ କୋଟି ରୋଜଗାର କରିଛି । ସାରାବିଶ୍ୱରେ ୧୦.୨୫ କୋଟି ରୋଜଗାର କରିଥିଲା ରଜନୀକାନ୍ତଙ୍କ ଫିଲ୍ମ ‘ଜେଲର’ ।
